រដ្ឋបាលសង្កាត់គោកឃ្លាង នៅព្រឹកថ្ងៃទី២៥ ខែកក្កដា ឆ្នាំ២០២៦នេះ បានបន្តចុះសំអាតអនាម័យបរិស្ថាន គំនរសំរាមរាយប៉ាយ កាប់ស្ការស្មៅព្រៃដុះ តាមបណ្តោយផ្លូវបេតុង(ខាងត្បូងវត្តសំរោងអណ្តែត) ភូមិគោកឃ្លាង សង្កាត់គោកឃ្លាង ខណ្ឌសែនសុខ រាជធានីភ្នំពេញ ដោយមានសមាសភាពចូលរួមមាន សមាជិកក្រុមប្រឹក្សាសង្កាត់ មន្ត្រី បុគ្គលិកសង្កាត់ ភ្នាក់ងារអនាម័យសង្កាត់ ក្រុមហ៊ុន ៨០០ Super និងលោកប្រធាន អនុប្រធាន សមាជិកភូមិ មេ៥០ខ្នង កម្លាំងប្រជាការពារភូមិគោកឃ្លាង ព្រមទាំងប្រជាពលរដ្ឋផងដែរ ។

ជាមួួយគ្នានេះ រដ្ឋបាលសង្កាត់សូមអំពាវនាវដល់បងប្អូនប្រជាពលរដ្ឋក្នុងមូលដ្ឋានយើងទាំងអស់ សូមចូលរួមទុកដាក់វិចខ្ចប់សំរាមឲ្យបានត្រឹមត្រូវ កុំបោះចោលពាសវាលពាសកាល នៅតាមទីសាធារណៈ ដែលបង្ករជាផលប៉ះពាល់ដល់សោភណ្ឌភាពតាមដងផ្លូវ និង ប៉ះពាល់សុខភាពក្នុងការរស់នៅប្រចាំថ្ងៃផងដែរ ៕