សម្តេចធិបតី បន្ដថា ការធ្វើកំណែទម្រង់រដ្ឋបាលសាធារណៈ មិនត្រូវនិយាយតែតួលេខទេ តែត្រូវមើលពីប្រសិទ្ធភាព និងប្រសិទ្ធផល។ ក្នុងនោះ ប្រទេសមួយចំនួនដូចជាឥណ្ឌូនេស៊ី អាហ្វ្រិកខាងត្បូង និងឥណ្ឌាជាដើម សុទ្ធតែបានពង្រីកប្រព័ន្ធរដ្ឋបាលសាធារណៈ។ ទន្ទឹមនឹងនេះ សម្ដេចធិបតី គូសបញ្ជាក់ថា ការកែទម្រង់ថ្មីៗនៅប្រទេសវៀតណាម ក្នុងនោះកាត់ពី១៨ក្រសួងមកនៅ១៤ក្រសួង កាត់ពី ៦៣ខេត្ត មក៣៨ខេត្ត តែវៀតណាមខុសពីកម្ពុជា កម្ពុជាវិមជ្ឈការ យើងពង្រីករុញសេវាឱ្យដល់មូលដ្ឋាន ប៉ុន្ដែវៀតណាម វិមជ្ឈការ ៦៣ខេត្តរួមខេត្តមួយចំនួនដាក់ក្រោមតែមួយហើយដំណើរការ។

«ប្រទេសនីមួយៗមុនគេដូរ យើងមិនអាចទៅចម្លងពីគេទេ គឺត្រូវមើលពីស្ថានភាព គោលនយោបាយណាត្រូវពេលណា សឹង្ហបុរីពេលមុន ប្រទេសយើងបច្បុប្បន្នស្ថានភាពប្រជាពលរដ្ឋយើង ត្រូវបណ្ដុះបណ្ដាលតើដូចសឹង្ហបុរីពេលណាហើយមើលរូបមន្ដពេលនោះ សឹង្ហបុរីការបណ្ដុះបណ្ដាលគេខ្ពស់ជាងយើង ព្រោះបងប្អូនយើងខ្លះអារឿងចម្លងពីគេនិង យកអាណាដែលទំនើបជាងគេបំផុត ហើយយកទំនើបប្រទេសគេ មកដាក់ប្រទេសយើងវាអត់ត្រូវ ហើយត្រូវមើលគ្រប់កាលៈទេសៈ ហើយការកែទម្រង់នៅប្រទេសវៀតណាម ក្នុងនោះកាត់ពី១៨ក្រសួងមកនៅ១៤ក្រសួង កាត់ពី ៦៣ខេត្ត មក៣៨ខេត្ត អ៊ីចឹងយើងត្រូវកាត់ខេត្ដ៤នៃភាគឦសាននេះបង្រួមទុកតែមួយទៅ អ៊ីចឹងសេវាអត់ដល់ដៃពលរដ្ឋកាន់តែឆ្ងាយ កន្លងទៅវិមជ្ឍការតូចៗ ដើម្បីពង្រាយសេវាឱ្យដល់ពលរដ្ឋ រឿងរូបមន្ដខុសគ្នា។

 សម្តេចធិបតីបន្ថែមថា គោលនយោបាយរបស់រាជរដ្ឋាភិបាល មិនមែនដាក់មកស្ដាប់ឱ្យពិរោះនោះទេ គឺគិតគូរកំណើនសេដ្ឋកិច្ច និងមានភាពធន់ ។

សម្ដេចធិបតី បានបន្តប្រកាសស្វាគមន៍ចំពោះអ្នកវិភាគ និងអ្នកបញ្ចេញមតិពិតប្រាកដជូនរាជរដ្ឋាភិបាល ដើម្បីផ្ដល់ជាគំនិតជួយលើការអភិវឌ្ឍសង្គមជាតិកម្ពុជាទាំងមូលផងដែរ៕