ថ្លែងក្នុងកិច្ចប្រជុំត្រួតពិនិត្យវឌ្ឍនភាពការងារ និងផែនការសកម្មភាពចុះធ្វើសិក្ខាសាលាបណ្តុះបណ្តាល ដើម្បីជំរុញការងារកំណត់អត្តសញ្ញាណ និងការងារអភិវឌ្ឍន៍ជនជាតិដើមភាគតិច ក្នុងខេត្តគោលដៅ នៃព្រះរាជាណាចក្រកម្ពុជា នារសៀលថ្ងៃទី១០ ខែមេសា ឆ្នាំ២០២៥ នៅទីស្ដីការក្រសួង លោក ឆាយ ឫទ្ធិសែន រដ្ឋមន្រ្តីក្រសួងអភិវឌ្ឍន៍ជនបទបានកោតសរសើរ និងវាយតម្លៃខ្ពស់ចំពោះថ្នាក់ដឹកនាំ និងមន្ដ្រីជំនាញទាំងអស់ ដែលបានខិតខំបំពេញការងារឱ្យសម្រេចបានលទ្ធផលល្អគួរឱ្យកត់សម្គាល់ ព្រមទាំងបានផ្ដល់ឱកាសជូនអង្គប្រជុំផ្ដល់មតិយោបល់ ដែលជាធាតុចូលលើនីតិវិធីនៃការចុះបញ្ជីទទួលស្គាល់អត្តសញ្ញាណជនជាតិដើមភាគតិច ដើម្បីពន្លឿនការអនុវត្តការងារនេះ ឱ្យកាន់តែឆាប់រហ័ស និងទទួលបានជោគជ័យ៕