១៣មេសាកន្លងមកជាខួបលើកទី៥១ឆ្នាំដែលសម្តេចបានជួបមុខភរិយាសម្តេចជាលើកទី២ បន្ទាប់ពីជួបមុខគេភ្លាមស្រឡាញ់ភ្លាម នាចុងខែមីនា១៩៧៤(១៣មេសា១៩៧៤ ១៣មេសា២០២៥)។ ចុងក្រោយនៅថ្ងៃ១៦មេសាជាខួបលើកទី៥០ឆ្នាំនៃការត្រូវរបួសធ្ងន់ និងពិការភ្នែកឆ្វេង(១៦មេសា១៩៧៥. ១៦មេសា២០២៥)។

សម្ដេចតេជោ បន្ដថា ក្នុងរយៈពេលជាងកន្លះសតវត្សន៍កន្លងមកនេះមានរឿងច្រើនណាស់ដែលបានកើតចំពោះសម្តេច។ក្រៅពីរឿងយោធានយោបាយ ការដឹកនាំប្រទេសនៅមានរឿងផ្ទាល់ខ្លួនគឺជីវិតកាលនៅកម្លោះ ជីវិតពេលមានភរិយា ជីវិតពេលមានកូន.ជីវិតពេលមានចៅ។ ពេលនេះកំពុងរង់ចាំជីវិតពេលមានចៅទួតតែប្រហែលត្រូវរង់ចាំយូរបន្តិចព្រោះចៅៗកំពុងរៀន៕