ព្រះសង្ឃមួយអង្គត្រូវឃាតករធ្វើគុត នៅក្នុងវត្តពុទ្រា ខេត្តកំពង់ស្ពឺ
ថ្ងៃទី ៖ 17-10-2024, ដោយ admin , 111 Views
កំពង់ស្ពឺ : អំពើលួច ឆក់ ប្លន់ កាប់សម្លាប់ ជាទូទៅកើតឡើងទៅលើប្រជាពលរដ្ឋសាមញ្ញ ប៉ុន្តែលើកនេះហាក់ប្លែកបន្តិចត្រង់ថា ព្រះសង្ឃមួយអង្គត្រូវឃាតករធ្វើគុត នៅក្នុងពុទ្រារាម(ហៅវត្តពុទ្រា) ស្ថិតនៅក្នុងភូមិក្រាំងព្នៅ ឃុំអូរ ស្រុកភ្នំស្រួច ខេត្តកំពង់ស្ពឺ កាលពីវេលាម៉ោង១២ថ្ងៃត្រង់ថ្ងៃទី១៦ ខែតុលា ឆ្នាំ២០២៤ ។ ពេលនេះសមត្ថកិច្ចកំពុងស្រាវជ្រាវ។
ប្រភពបានប្រាប់ថា ព្រះសង្ឃមួយអង្គដែលឃាតករធ្វើគុត ព្រះនាម គាត សម្បត្តិ គង់នៅក្នុងវត្តពុទ្រារាម(ហៅវត្តពុទ្រា) ស្ថិតនៅក្នុងភូមិក្រាំងព្នៅ ឃុំអូរ ស្រុកភ្នំស្រួច ខេត្តកំពង់ស្ពឺ ។
ករណីនេះសមត្ថកិច្ចចុះពិនិត្យធ្វើកោសល្យវិច្ច័យ និងស្រាវជ្រាវរកជនដៃដល់ ដើម្បីចាប់ខ្លួនយកមកផ្តន្ទាទោសតាមច្បាប់ បន្ទាប់ពីព្រះតេជ្ជគុណត្រូវឃាតករយកវត្ថុរឹងវាយធ្វើគុត ។ ថាតើ ហេតុអ្វីព្រះសង្ឃត្រូវឃាតករធ្វើគុត ?
មេបញ្ជាការកងរាជអាវុធហត្ថខេត្តកំពង់ស្ពឺ លោកឧត្ដមសេនីយ៍ ម៉េង ស្រ៊ុន នៅថ្ងៃទី១៧ ខែតុលា បានប្រាប់សារព័ត៌មាន Cam Post ថា ករណីនេះអាវុធហត្ថកំពុងធ្វើការស្រាវជ្រាវ ៕
|