|
លោកឧត្ដមសេនីយ៍ ម៉េង ស្រ៊ុន បញ្ជាកម្លាំងអាវុធហត្ថខេត្តកំពង់ស្ពឺ ឱ្យបន្តឆែករថយន្តប្រើស្លាកលេខ ខ.ម ក្លែងក្លាយ
ថ្ងៃទី ៖ 07-09-2024, ដោយ admin , 56 Views
កំពង់ស្ពឺ : ដើម្បីបង្ការទប់ស្កាត់បទល្មើសនៅក្នុងខេត្តកំពង់ស្ពឺ ដែលជាខេត្តនៅមិនឆ្ងាយប៉ុន្មានពីរាជធានីភ្នំពេញ លោកឧត្ដមសេនីយ៍ ម៉េង ស្រ៊ុន មេបញ្ជាការកងរាជអាវុធហត្ថខេត្តកំពង់ស្ពឺ បានដាក់បទបញ្ជាឱ្យកងកម្លាំងអាវុធហត្ថខេត្តបន្តប្រតិបត្តិការឆែកឆេរនិងត្រួតពិនិត្យរថយន្តដែលប្រើប្រាស់ស្លាកលេខ ខេមរភូមិន្ទ ក្លែងក្លាយ ។
ក្រោយបទបញ្ជាពីលោកមេបញ្ជាការ កម្លាំងអាវុធហត្ថ នៅវេលាម៉ោង១០យប់ ថ្ងៃទី៦ ខែកញ្ញា ឆ្នាំ២០២៤ បានដាក់កម្លាំងពង្រាយនៅលើកំណាត់ផ្លូវជាតិលេខ៤៤ ភូមិតាម៉ុល សង្កាត់ច្បារមន ក្រុងច្បារមន ដើម្បីពង្រឹង ការពារសុវត្ថិភាព ទប់ស្កាត់ និងបង្ការបទល្មើសផ្សេងៗក្នុងភូមិសាស្រ្តខេត្តកំពង់ស្ពឺ ពិសេស ចុះអនុវត្តការងារត្រួតពិនិត្យ រថយន្តពាក់ស្លាកលេខខេមរភូមិន្ទក្លែងក្លាយ និងត្រួតពិនិត្យអាវុធជាតិផ្ទុះ ៕
|