មេប៉ូលិសខេត្តស្ទឹងត្រែង ដាក់បទបញ្ជាឱ្យមន្រ្តីយកចិត្តទុកដាក់ បម្រើប្រជាពលរដ្ឋក្នុងមូលដ្ឋាន ពិសេសទប់ស្កាត់ និងបង្រ្កាបបទល្មើសគ្រប់ប្រភេទ ដែលកើតមាន
ថ្ងៃទី ៖ 16-09-2024, ដោយ admin , 45 Views
ស្ទឹងត្រែង : លោកឧត្តមសេនីយ៍ទោ អូត ស៊ីវុត្ថា ស្នងការនគរបាលខេត្តស្ទឹងត្រែង នៅថ្ងៃទី១៦ ខែកញ្ញា ឆ្នាំ២០២៤ បានដាក់ចេញបទបញ្ជាដល់ស្នងការរង អធិការក្រុង-ស្រុក និងលោកនាយប៉ុស្តិ៍នគរបាលរដ្ឋបាល ត្រូវបន្តយកចិត្តទុកដាក់ បម្រើប្រជាពលរដ្ឋក្នុងមូលដ្ឋាន ពិសេសត្រូវទប់ស្កាត់ និងបង្រ្កាបរាល់បទល្មើសគ្រប់ប្រភេទដែលកើតមានឡើងក្នុងមូលដ្ឋានដែលខ្លួនគ្រប់គ្រង។
ការដាក់បទបញ្ជាដ៍ម៉ឺងម៉ាត់នេះ ក្នុងពេលដែលលោក បានបើកកិច្ចប្រជុំបូកសរុបសភាពការណ៍ និងលទ្ធផលកិច្ចប្រតិបត្តិការណ៍ រក្សាសន្តិសុខ សណ្ដាប់ធ្នាប់ សុវត្ថិភាពសង្គម និងការងារនគរបាល និងសហគមន៍ ប្រចាំខែកញ្ញា ឆ្នាំ២០២៤ និងលើកទិសដៅអនុវត្តបន្ត និងផ្សព្វផ្សាយផែនការការពារថ្នាក់ដឹកនាំ ដែលនឹងអញ្ជើញមកកាន់ខេត្តស្ទឹងត្រែង នាពេលខាងមុខ ៕
|