លោកស្រី ទ្រី ដាណា អ្នកលក់ឡេតាមអនឡាញ និងហាងពេជ្រ និងមាស បានលើកឡើងថា សម្រាប់បងប្អូន ដែលវិលមកពីប្រទេសថៃវិញ នាងខ្ញុំមានការងារផ្ដល់ជូនច្រើនប្រភេទ ហើយខ្ញុំក៏នឹងខំប្រឹងប្រែងជួយបងប្អូនខ្មែរដូចគ្នា ដោយសារការឈ្លានពាន មើលងាយពីក្រុមជ្រុលនិយមថៃមួយចំនួន យើងត្រូវតែរឹងមាំខ្លួនឯង។

លោកស្រីបានគាំទ្រចំណាត់ការរាជរដ្ឋាភិបាល និងថ្នាក់ដឹកនាំកម្ពុជាជានិច្ច ។ លោកស្រីបានរត់ការសុំច្បាប់ ដើម្បីបើករោងចក្រគ្រឿងសម្អាងស្តង់ដារនៅកម្ពុជាមួយរយៈហើយ ក្នុងគោលបំណងបង្កើតទីផ្សារក្នុងស្រុកជូនបងប្អូនខ្មែរយើង ហើយក៏មិនចង់នាំចូលពីក្រៅប្រទេស សង្ឃឹមថានឹងទទួលបានការអនុញ្ញាតឆាប់ៗនេះ។

លោកស្រី បន្ដថា នេះជាពេលវេលាដែលយើងរឹងមាំដោយខ្លួនឯង ជួយគាំទ្រ និងប្រើប្រាស់ផលិតផលក្នុងស្រុក ជាពិសេសកសិផលខ្មែរយើង ទាំងបន្លែ ផ្លែឈើ និងរបស់របរប្រើប្រាស់ផ្សេងទៀត។ ជួយសេដ្ឋកិច្ចជាតិផង និងផ្ដល់ការងារដល់បងប្អូនខ្មែរយើងផង ៕