យោងតាមគណនីហ្វេកប៊ុករបស់សម្ដេចតេជោ ហ៊ុន សែន នារសៀលថ្ងៃទី០៣ ខែមីនា ឆ្នាំ២០២៥នេះ បានឱ្យដឹងថា មុននេះ២ម៉ោងបានធ្វើតេស្តម្តងទៀតលទ្ធផលអវិជ្ជមានដដែល។ ដូចនេះទាំងគ្រូពេទ្យទាំងសម្ដេចកំណត់ថា សម្ដេចពុំមានជំងឺកូវីដ១៩ទៀតទេ ហើយសម្ដេចចាប់ផ្តើមការងារធម្មតាដោយរាប់ទាំងទទួលភ្ញៀវជាតិនិងអន្តរជាតិផងដែរ។
សម្ដេចបន្ដថា កាលពីម្សិលមិញសម្តេចបានធ្វើតេស្តរហ័សពិនិត្យឃើញអវិជ្ជមានកូវីដ.១៩ ហើយតែសម្ដេចនៅតែមិនទាន់ហ៊ានប្រថុយ ដើម្បីចូលរួមដង្ហែព្រះមហាក្សត្រនិងហ្លួងម៉ែជាទីគោរពសក្ការៈស្តេចយាងទៅទីក្រុងប៉េកាំង ប្រទេសចិនកាលពីព្រឹកមិញនេះ ព្រោះសម្តេចនៅហៀរសំបោរនៅឡើយ។
សម្ដេចតេជោបញ្ជាក់ថា ការមិនអញ្ជើញចូលរួមដង្ហែព្រះមហាក្សត្រនិងហ្លួងម៉ែជាទីគោរពសក្ការៈស្តេចយាងទៅទីក្រុងប៉េកាំងព្រឹកមិញនេះ ដោយការបារម្ភខ្លាចឆ្លងទៅព្រះអង្គ និងថ្នាក់ដឹកនាំផ្សេងទៀត។
ជាមួយគ្នានេះ សម្ដេចបានប្រកាសលាហើយកូវីដ១៩ជាលើកទី២ និងខិតខំមិនឲ្យមានការលាជាលើកទី៣ផងដែរ៕