យោងតាមផេកផ្លូវការក្រុមហ៊ុន មេនូឡាយហ្វ៍ បានបញ្ជាក់ថា នេះជាឆ្នាំថ្មី កំណត់ត្រាថ្មី! ជាមោទកភាពណាស់ ក្រៅពីជា ម្ចាស់ឧបត្ថម្ភគាំទ្រផ្តាច់មុខ និងដៃគូសហការជាមួយគណៈកម្មាធិការជាតិអូឡាំពិកកម្ពុជា រៀបចំព្រឹត្តិការណ៍រត់ប្រណាំងអន្តរជាតិពាក់កណ្តាលម៉ារ៉ាតុងលើកទី29 ដែលទើបតែបញ្ចប់ទៅថ្មីៗនេះ ក្រុមហ៊ុន មេនូឡាយហ្វ៍ បានរៃអង្គាសថវិកាសរុបចំនួន 110,000 ដុល្លារអាមេរិកដើម្បីបរិច្ចាគទៅកាន់មន្ទីរពេទ្យកុមារអង្គរ។ ថវិកានេះនឹងប្រើប្រាស់សម្រាប់ទ្រទ្រង់ មជ្ឈមណ្ឌលជំងឺធ្ងន់ធ្ងរ របស់មន្ទីរពេទ្យ ហើយធានាថាកុមារប្រមាណ 1,800 នាក់ នឹងត្រូវបានសង្គ្រោះអាយុជីវិតពីជំងឺធ្ងន់ធ្ងរ និងរបួសប៉ះទង្គិចនានា។

គួរបញ្ជាក់ផងដែរថា ថវិកាសរុបប្រមាណ 760,000 ដុល្លារអាមេរិកត្រូវបានបរិច្ចាគទៅកាន់មន្ទីរពេទ្យកុមារអង្គរតាមរយៈយុទ្ធនាការរៃអង្គាសថវិកាពីបុគ្គលិករបស់ក្រុមហ៊ុននៅទូទាំងពិភពលោកចាប់តាំងពី ឆ្នាំ 2015 មក ៕