ក្រោយពេលការភ្ជួរ និងព្រោះគ្រាប់ស្រូវអស់រយៈពេល៣ ជុំរួចហើយ ព្រាហ្មណ៍ព្រះរាជគ្រូបុរោហិត បានធ្វើពិធីសូត្រមន្តប្រោះព្រំទឹកលើ«គោឧសភរាជ» និងយកគោឧសភរាជឱ្យទៅបរិភោគគ្រាប់ធញ្ញជាតិ ទឹក និងស្រា ដែលមានទាំងអស់ ៧មុខ រួមមាន ស្រូវ ពោត សណ្តែក ល្ង ស្មៅ ស្រា និងទឹក ដែលបានរៀបចំទុករួចជាស្រេច។
ព្រាហ្មណ៍ព្រះរាជគ្រូបុរោហិត បានថ្លែងថា៖ «ខ្ញុំព្រះករុណាសូមថ្វាយ និងជម្រាបជូនពី ព្រាហ្មណ៍ព្រះរាជគ្រូបុរោហិតបានថ្លែងបន្តថា នេះជាការផ្សងប្រផ្នូលតាមទំនៀមទម្លាប់ព្រះរាជបវេណីនៃព្រះរាជពិធីច្រត់ព្រះនង្គ័លដែលមានតាំងពីបុរាណកាលមក ក៏ដូចជាការប្រកាសថា «រដូវវប្បមង្គល» បានចូលមកដល់ហើយ។
ម្យ៉ាងទៀតព្រះរាជពិធីនេះ ក៏ជាការដាស់តឿន ក្រើនរំឭកដល់ប្រជាជនខ្មែរ ដែលពឹងផ្អែកលើការធ្វើកសិកម្មជាចម្បងនោះឱ្យបានដឹងថា រដូវវស្សាបានចូលមកដល់ហើយ។
ជាមួយគ្នានេះ អ៊ុស្រី សុខ ហ៊ីម ប្រជាពលរដ្ឋនៅក្នុងខេត្ដកំពង់ស្ពឺ បានបង្ហាញការសប្បាយរីករាយក្រោយពីការផ្សងប្រផ្នូលក្នុងព្រះរាជពិធីច្រត់ព្រះនង្គ័ល បានបង្ហាញថា ស្រូវ ពោត សណ្តែក នឹងទទួលបានទិន្នផលល្អប្រសើរ ដោយអ៊ុស្រីថា នឹងត្រៀមរៀបចំគ្រាប់ពូជដំណាំផ្សេងៗ ជាពិសេស ពូជស្រូវ សណ្ដែក ពោធ និងបន្លែ ដើម្បីធ្វើកសិកម្មសម្រាប់បង្កបង្កើនផលក្នុងរដូវវស្សាឆ្នាំនេះ ។
អ៊ុស្រី សុខ ហ៊ីម សង្ឃឹមថា ឆ្នាំនេះ ការធ្វើកសិកម្មរបស់ខ្លួននឹងទទួលទ័ន្នផលខ្ពស់ បន្ទាប់ពីសត្វគោឧសភរាជ បរិភោគ ស្រូវ ពោត សណ្ដែក ៩៥ភាគរយ និងស្រូវ៨៥ ភាគរយ ក្នុងចំណោមអាហារទាំងប្រាំពីរមុខ រួមមាន ស្រូវ, ពោត, ល្ង, សណ្តែក, ទឹក, ស្រា និងស្មៅ ដែលដាក់ឱ្យផ្សងប្រផ្នូលនោះផងដែរ៕