ការស្នើរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា ធ្វើឡើងក្នុងឱកាសអញ្ជើញជាអធិបតីដ៏ខ្ពង់ខ្ពស់ក្នុងពិធីចែកពូជស្រូវ និងកញ្ចប់ស្បៀងនៅខេត្តពោធិ៍សាត់ចំនួន ១១០០០គ្រួសារនៅក្នុងខេត្តពោធិ៍សាត់ នាព្រឹក ថ្ងៃទី៥  ខែវិច្ឆិកា  ឆ្នាំ២០២៦ ។

សម្តេចធិបតី អំពាវនាវឱ្យប្រជាពលរដ្ឋបន្ដជឿទុកលើការដឹកនាំរបស់គណបក្សប្រជាជនកម្ពុជា ហើយប្រជាពលរដ្ឋបានឃើញជាក់ស្ដែងហើយថា គណបក្សប្រជាជនកម្ពុជានៅជាមួយប្រជាពលរដ្ឋគ្រប់កាលៈទេសៈទោះប្រទេសជួបបញ្ហាជំងឺរាលត្បាត គ្រោះទឹកជំនន់ និងសង្គ្រាមជាដើម។

សម្ដេចធិបតីគូសបញ្ជាក់ថា ពេលមានទុក្ខនិងអាសន្នអន់ក្រ គណបក្សប្រជាជនកម្ពុជាពុំដែលរត់ចោលប្រជាពលរដ្ឋនោះឡើយ ។

ជាមួយគ្នានេះ សម្តេចធិបតី បន្ថែមថា ប្រជាពលរដ្ឋជ្រើសរើសគូរជីវិតត្រូវហើយ ដែលសម្រេចចិត្ដរើសយកគណបក្សប្រជាជនកម្ពុជាដឹកនាំប្រទេស ដើម្បីបម្រើរប្រជាពលរដ្ឋគ្រប់កាលៈទេសៈ។

ក្នុងឱកាសនោះ សម្ដេចធិបតី ក៏បានថ្លែងអំណរគុណដល់ប្រជាពលរដ្ឋ ដែលបានជឿជាក់លើរាជរដ្ឋាភិបាល ដែលដឹកនាំដោយគណបក្សប្រជាជនកម្ពុជា ដើម្បីបម្រើរប្រជាពលរដ្ឋ និងអភិវឌ្ឍន៍ប្រទេស៕