|
សមត្ថកិច្ចនគរបាល បង្រ្កាបមុខសញ្ញាចោរប្លន់២នាក់ ធ្លាប់ជាប់ពន្ធនាគារ
ថ្ងៃទី ៖ 19-08-2026, ដោយ Dara007 , 36 Views
កំពង់ស្ពឺៈ កាលពីថ្ងៃទី១៧ ខែសីហា ឆ្នាំ២០២៦ ជនសង្ស័យ២នាក់ជាមុខសញ្ញាក្រុមចោរប្លន់និងទេីបចេញពីពន្ធនាគារ ត្រូវបានកំលាំងនគរបាលការិយាល័យព្រហ្មទណ្ឌខេត្ដ និងនគរបាលស្រុកគងពិសី សង្ស័យដេញឃាត់បានដោយបានការសហការពីកំលាំងនគរបាលអធិការដ្ឋានស្រុកសំរោងទង នៅចំណុចភូមិត្រពាំងត្រស់ ឃុំសំរោងទង ខេត្ដកំពង់ស្ពឺ។
ដោយបានការបញ្ជាដឹកនាំដ៏ខ្ពង់ខ្ពស់ពីលោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ និងបានការណែនាំពីលោកឧត្ដមសេនីយ៍ត្រី សម សាក់ ស្នងការរង ផែនការងារនគរបាលព្រហ្មទណ្ឌ និងការដឹកនាំផ្ទាល់ពីលោកឧត្ដមសេនីយ៍ត្រី រស់ រដ្ឋា ស្នងការរង ទទួលជួយដឹកនាំការងារការិយាល័យព្រហ្មទណ្ឌកម្រិតស្រាល បានស្រាវជ្រាវឈានទៅឃាត់ជនសង្ស័យបាន ២នាក់ (១)-ឈ្មោះ រិទ្ធ រាជ ហៅអាម៉ៅ ភេទប្រុស អាយុ៥៣ឆ្នាំ ស្នាក់នៅបន្ទប់ជួលម្តុំទួលគោក ភ្នំពេញ -ធ្លាប់ជាប់ពន្ធនាគារខេត្តកណ្តាល ករណីលួចម៉ូតូ (ឆ្នាំ២០២៥) (២)-ឈ្មោះ រស់ ចាន់រ៉ន ហៅរ័ត្ន ភេទប្រុស អាយុ៣៧ឆ្នាំ ស្នាក់នៅបន្ទប់ជួលម្តុំទួលគោក ភ្នំពេញ -ធ្លាប់ជាប់ពន្ធនាគារខេត្តកណ្តាលរយៈពេល៣ឆ្នាំ។
បច្ចុប្បន្នសមត្ថកិច្ចបានបញ្ជូនជនសង្ស័យរួមជាមួយវត្ថុតាងមកកាន់ការិយាល័យព្រហ្មទណ្ឌកម្រិតស្រាលនៃស្នងការដ្ឋាននគរបាលខេត្ដដេីម្បីបន្ដនីតិវិធី៕
|