ក្នុងឱកាសអញ្ជើញបើកការដ្ឋានសាងសង់ “គម្រោងអភិវឌ្ឍន៍ប្រព័ន្ធចម្រោះទឹកកខ្វក់ក្នុងក្រុងតាខ្មៅ” ខេត្តកណ្តាល នៅព្រឹកថ្ងៃទី៦ ខែឧសភា សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជាបានមានប្រសាសន៍ដោយមិនយកពេលវេលាដ៏មានតម្លៃទៅខ្វល់ខ្វាយអំពីយុទ្ធសាស្រ្តផ្ការីករបស់មេឧទ្ទាមក្រៅច្បាប់ទេ គឺខ្វល់តែពីការពង្រីកសមិទ្ធផលនានា ដើម្បីផលប្រយោជន៍ប្រជាពលរដ្ឋ នៅគ្រប់ទិសទីទូទាំងប្រទេស ខណៈយុទ្ធសាស្រ្តផ្ការីករបស់មេបក្សប្រឆាំងហាក់គ្មានប្រសិទ្ធភាព និងបានស្ងប់ស្ងាត់ក្រោយប្រកាសកាលពីពេលកន្លងមក ។

សម្ដេចធិបតីបានបញ្ជាក់ថា សមិទ្ធផលជាច្រើនកើតចេញពីការដឹកនាំរបស់គណបក្សប្រជាជនដែលប្រជាពលរដ្ឋចង់បានគ្រប់គ្នានោះ គឺការសាងសង់ហេដ្ឋារចនាសម្ព័ន្ធផ្លូវ-ថ្នល់ , មន្ទីរពេទ្យ , សាលារៀន និងការកសាងកំពង់ផែនៅខេត្តមួយចំនួនដើម្បីទាក់ទាញភ្ញៀវទេសចរមកកម្ពុជា ក្នុងគោលបំណងធ្វើយ៉ាងណាឲ្យសេដ្ឋកិច្ចជាតិមានការរីកចម្រើនឥតឈប់ឈរ ។

រាជរដ្ឋាភិបាលកើតចេញពីគណបក្សប្រជាជនកម្ពុជាគឺមិននៅនឹងថ្កល់ ឬព្រងើយកន្តើយ ឬក៏គ្មានធ្វើសកម្មភាពណាមួយនោះទេ គឺនឹងធ្វើជាប់ជាប្រចាំ ដើម្បីអភិវឌ្ឍន៍និងលើកកម្ពស់ប្រទេសជាតិនៅលើឆាកអន្តរជាតិ ដើម្បីឲ្យមានភាពល្បីរន្ទឺទូទាំងសក