ម្ចាស់មិននៅ ផ្ទះឆេះម៉ត់សល់តែគ្រោង
ថ្ងៃទី ៖ 19-09-2024, ដោយ Dara007 , 38 Views
ស្ទឹងត្រែង:ផ្ទះធំមួយខ្នង ត្រូវបានអគ្គីភ័យឆាប់ចេះម៉ត់
នៅសល់តែគ្រោង ទោះរថយន្តអគ្គីភ័យជួយពន្លត់
យ៉ាងណា ក៏ ជួយមិនបាន។
ហេតុការណ៍នេះបានកើតឡើងកាលពីវេលា
ម៉ោង ១៥:០០នាទីរសៀលថ្ងៃទី១៩ ខែកញ្ញា ឆ្នាំ២០២៤
នៅចំណុចក្រោយភោជនីយដ្ឋានវិមានមាស ស្ថិតក្នុង
ភូមិរាជានុកូល ក្រុងស្ទឹងត្រែង ខេត្តស្ទឹងត្រែង។
សមត្ថកិច្ចបានអោយដឹងថា:ផ្ទះដែលត្រូវភ្លើងឆេះខាងលើ មានចំនួន០១ខ្នង ទំហំ (៦ម៉ែត្រម x ១៦ម៉ែត្រ)ប្រក់ក្បឿង ឈើលើខាងក្រោមថ្ម។ ដែលមានម្ចាស់ផ្ទះឈ្មោះ សឿន ចាន់ អាយុ ៤៨ឆ្នាំ មុខរបររត់ម៉ូតូឌុប ប្រពន្ធឈ្មោះ ជឿង កែវអាយុ ៤២ឆ្នាំ។
លោក ឈូក កុម៉ល់ អធិការនគរបាលក្រុងស្ទឹងត្រែង បានប្រាប់អ្នកយកព័ត៌មានយើងថា:អគ្គីភ័យខាងលើត្រូវបាន កម្លាំងជំនាញពន្លត់អគ្គីភ័យរបស់អធិការដ្ឋាននគរបាលក្រុង និងការិយាល័យជំនាញ នៃស្នងការដ្ឋាននគរបាលខេត្ត ប្រើប្រាស់រថយន្តពន្លត់អគ្គីភ័យចំនួន ០២គ្រឿង និង ពន្លត់បានទាន់ពេលវេលា មិនបណ្ដាលអោយឆេះ រីករាលដាលដល់ផ្ទះជាពលរដ្ឋផ្សេងទៀតឡើយ។
លោកបានបញ្ជាក់ថា:ក្រោយការស្រាវជ្រាវ ទើបដឹងពី មូលហេតុ ដែលមានអគ្គិភ័យឆេះផ្ទះខាងលើ គឺ បណ្តាល មកពីផ្ទុះសេខ្សែភ្លើង។
|