កម្ពុជាបង្ហាញពីស្មារតីបដិសណ្ឋារកិច្ចដែលផ្សារភ្ជាប់ការស្វាគមន៍ដោយស្នាមញញឹម ជាមួយការផ្តល់អាទិភាពដល់សុវត្ថិភាព និងការយកចិត្តទុកដាក់ចំពោះភ្ញៀវគ្រប់រូប។ គំនិតនេះឆ្លុះបញ្ចាំងពីភាពរួសរាយរាក់ទាក់ និងការគោរពគ្នាទៅវិញទៅមក ដើម្បីឱ្យដំណើរទស្សនកិច្ចនៅកម្ពុជាក្លាយជាបទពិសោធដ៏រីករាយ និងមានអនុស្សាវរីយ៍ល្អៗ។

ក្នុងឱកាសដ៏វិសេសវិសាលនេះ សូមអញ្ជើញប្រជាពលរដ្ឋ និងភ្ញៀវទេសចរជាតិ-អន្តរជាតិ មកទស្សនា «ភូមិហ្វ្រង់កូហ្វូនី» ដែលនឹងផ្តោតលើភាពចម្រុះវប្បធម៌ ទេសចរណ៍ ម្ហូបអាហារ ការអប់រំ ការតាំងពិព័រណ៍ និងការផ្លាស់ប្តូររវាងប្រជាជននិងប្រជាជន។ ភូមិនេះនឹងក្លាយជាព្រឹត្តិការណ៍អបអរសាទរដ៏សំខាន់ដែលបើកទូលាយសម្រាប់សាធារណជន។ - កាលបរិច្ឆេទ៖ ថ្ងៃទី១៣–១៧ ខែវិច្ឆិកា ឆ្នាំ២០២៦ - ទីតាំង៖ សួនច្បារវត្តបទុមវតី រាជធានីភ្នំពេញ - ពេលវេលា៖ ចាប់ពីម៉ោង ១០:០០ នាទីព្រឹក - ការចូលរួម៖ បើកចំហរសម្រាប់សាធារណជន ចូលរួមដោយសេរី -មូលបទ៖ «ស្នាមញញឹមខ្មែរ, ស្នាមញញឹមហ្វ្រង់កូហ្វូនី»៕