|
អាជ្ញាធរជាតិអប្សរា ស្ថានទូតជប៉ុន អង្គការយូណេស្កូ សាកលវិទ្យាល័យ Waseda ប្រទេសជប៉ុន ជួបពិភាក្សាការងារគម្រោងអភិរក្សជួសជុលប្រាសាទបាយ័ន មានទឹកប្រាក់៩០០ពាន់ដុល្លារ
ថ្ងៃទី ៖ 12-06-2026, ដោយ Dara007 , 39 Views
សៀមរាបៈ ក្នុងកិច្ចប្រជុំ Steering Committee លើកទី១ របស់គម្រោង JASA ដោយកិច្ចសហការរវាងអាជ្ញាធរជាតិអប្សរា ទូតជប៉ុន អង្គការយូណេស្កូ សាកលវិទ្យាល័យ Waseda ប្រទេសជប៉ុន ក្រោមជំនួយថវិការបស់ប្រទេសជប៉ុនតាមរយ:អង្គការយូណេស្កូ ដែលមានថវិកាចំនួន ៩០០.០០០ដុល្លារ (ប្រាំបួនរយពាន់ដុល្លារសហរដ្ឋអាម៉េរិក) កាលពីថ្ងៃទី១១ ខែមិថុនា ឆ្នាំ២០២៦ លោក ហង់ ពៅ អគ្គនាយកអាជ្ញាធរជាតិអប្សរា លោក NAGASE Kensuke ភារធារី នៃស្ថានទូតជប៉ុន និងលោក Flavio Boneti ប្រធានការិយាល័យតំណាងអង្គការ UNESCO ភ្នំពេញ បានជួបប្រជុំពិភាក្សាគ្នាជាលើកដំបូង ក្នុងការរៀបចំគម្រោង ដើម្បីអនុវត្តន៍កម្មវិធីអភិរក្សជួសជុលប្រាសាទបាយ័ន ជាពិសេស គឺការសិក្សាស្រាវជ្រាវអំពីរូបចម្លាក់នៃថែវប្រាសាទបាយ័ន និងការបណ្តុះបណ្តាលអ្នកជំនាញ ក៏ដូចជា ការផ្ទេរនូវទិន្ន័យនានា ដែលអនុវត្តកន្លងមក នៅប្រាសាទបាយ័ន និងប្រាសាទផ្សេងៗទៀតដែលក្រុមការងារគម្រោងប្រមូលបាន៕
|