ករណីគ្រោះថ្នាក់ចរាចរណ៍នៅក្រុងបាត់ដំបង ខេត្តបាត់ដំបង ដែលបង្ករឡេីងដោយលោក សយ បូរ៉ា ថៅកែផ្សារទំនើបហេងឆៃលី និង ស្ត្រីរងគ្រោះបណ្ដាលអោយស្លាប់ ពេលនេះបានដោះស្រាយបញ្ចប់ហេីយក្រោមការសម្របសម្រួលរបស់ ចៅក្រមស៊េីបសួរសាលាដំបូងខេត្តបាត់ដំបង ។ ការសម្របសម្រួលបញ្ចប់នេះ មានការចូលរួមពីតំណាងជនបង្ករ តំណាងជនរងគ្រោះ និងមេធាវីទាំងសងខាង ។
សូមបញ្ជាក់ថាការសម្របសម្រួលបញ្ចប់នេះគឺតំណាងជនបង្ករបានសងសំណងទៅតំណាងជនរងគ្រោះតាមចំនួនថវិកាដែលបានព្រមព្រៀងគ្នា ។ ជនរងគ្រោះក្រោយពីទទួលបានសំណងក៏បានធ្វើពាក្យសុំដកពាក្យបណ្តឹង ។ នេះគ្រាន់តែជាការបញ្ចប់សំណងរដ្ឋប្បវេណីតែប៉ុណ្ណោះ ដោយឡែកបណ្តឹងអាជ្ញាគឺនៅបន្តតាមនិតិវិធីផ្លូវច្បាប់ដដែល ។
សូមចូលរួមអបអរសាទរដែលជនរងគ្រោះទទួលបានយុត្តិធម៌ ជាពិសេសសូមអរគុណ ចៅក្រមស៊េីបសួរ ជាពិសេសលោកប្រធានសាលាដំបូងខេត្តបាត់ដំបង និងលោកព្រះរាជអាជ្ញាអមសាលាដំបូងខេត្តបាត់ដំបង ដែលបានខិតខំខ្នះខ្នែងស្វែងរកការពិតរកយុត្តិធម៌ជូនជនរងគ្រោះ ៕