ថ្លែងក្នុងឱកាសអញ្ជើញជាអធិបតីភាពដ៏ខ្ពង់ខ្ពស់ក្នុងពិធីអបអរសាទរខួបអនុស្សាវរីយ៍លើកទី៨០ ថ្ងៃកំណើតនគរបាលជាតិកម្ពុជា ១៦ ឧសភា ១៩៤៥-១៦ ឧសភា ២០២៥ នៅបណ្ឌិត្យសភានគរបាលកម្ពុជា ស្រុកកៀនស្វាយ ខេត្តកណ្តាល នាព្រឹកថ្ងៃទី១៦ ខែឧសភា ឆ្នាំ២០២៥ នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ស្នើឱ្យកងកម្លាំងនគរបាលជាតិសូមយកចិត្តទុកដាក់ដល់ការងារបង្ការ និងពន្លត់អគ្គិភ័យ និងការត្រៀម កម្លាំង- ឧបករណ៍ មធ្យោបាយ ក្នុងការចូលរួមសង្គ្រោះប្រជាពលរដ្ឋ ដែលរងគ្រោះដោយគ្រោះធម្មជាតិផ្សេងៗ។ សម្ដេចធិបតី បានអំពាវនាវដល់បងប្អូនប្រជាពលរដ្ឋយកចិត្តទុកដាក់រៀបចំទុកដាក់ប្រើប្រាស់គ្រឿងអគ្គិសនីពិនិត្យមើល បិតភ្លើងហ្គាស៍ ឱ្យមានការប្រុងប្រយ័ត្នខ្ពស់មុនចេញពីផ្ទះការពារប្រសើរជាងសង្គ្រោះព្យាបាលកុំឱ្យមានការសោកស្ដាយផ្សេងៗកើតឡើង។

ជាមួយគ្នានេះ សម្ដេចធិបតី បានសម្ដែងនូវការកោតសរសើរចំពោះការត្រៀមលក្ខណៈ និងចេញប្រតិបត្តិការរបស់កងកម្លាំងពន្លត់អគ្គីភ័យដោយសហការជាមួយស្ថាប័នផ្សេងៗ ក្នុងការសង្គ្រោះប្រជាពលរដ្ឋបានល្អ។ ប្រពន្ធ័សន្តិសុខតាមរយៈការផ្ដល់ព័ត៌មានតាមរយៈប្រព័ន្ធអនឡាញវិទ្យុ និងទូរទស្សន៍ជាការចាំបាច់ ដើម្បីទប់ស្កាត់នូវការគ្រោះថ្នាក់ផ្សេងៗផងដែរ៕