|
លោក ហួត ហាក់ ពិភាក្សាជាមួយក្រុមប្រឹក្សាទេសចរណ៍ និងធ្វើដំណើរពិភពលោក ដើម្បីផ្លាស់ប្តូរយោបល់លើការផ្សព្វផ្សាយទេសចរណ៍កម្ពុជា
ថ្ងៃទី ៖ 22-01-2025, ដោយ Dara007 , 47 Views
ម៉ាឡេស៊ីៈ នាល្ងាចថ្ងៃទី១៩ ខែមករា ឆ្នាំ២០២៥ នៅទីក្រុង Johor ប្រទេសម៉ាឡេស៊ី, លោក ហួត ហាក់ រដ្ឋមន្ត្រីក្រសួងទេសចរណ៍ បានបន្តអនុញ្ញាតជូន លោកស្រី LIZ ORTIGUERA នាយកគ្រប់គ្រងតំបន់អាស៊ីប៉ាស៊ីហ្វិក នៃក្រុមប្រឹក្សាទេសចរណ៍ និងធ្វើដំណើរពិភពលោក (WTTC) ពិភាក្សាការងារស្តីពីកិច្ចសហប្រតិបត្តិការលើវិស័យទេសចរណ៍។ ជំនួបពិភាក្សាបានផ្លាស់ប្តូរយោបល់លើការផ្សព្វផ្សាយទេសចរណ៍កម្ពុជា តាមរយៈក្រុមប្រឹក្សាទេសចរណ៍ និងធ្វើដំណើរពិភពលោក និងការចែករំលែកព័ត៌មានអំពីនិន្នាការនៃការធ្វើដំណើររបស់ទេសចរ និងគោលដៅសំខាន់ៗ។
|