សម្ដេចមហាបវរធិបតីផ្ដាំទៅអ្នកនយោបាយនៅក្រៅប្រទេសដែលអង្គុយកៅអីជើង១០ ភ្នែក៣ ភ្នែង៥ ដែលពូកែយករឿងដុតហើយដុតទៀត ដែលអស់ពីរឿង CLV ចូលកោះគុក និងឥឡូវរឿងឃាតកម្មលោក លិម គិមយ៉ា ដោយចោទលើសម្ដេចតេជោ និងរាជរដ្ឋាភិបាលកម្ពុជាជាធ្វើទៅវិញ។

សម្ដេចមហាបវរធិបតីអះអាងថា រាជរដ្ឋាភិបាលកម្ពុជាមិនល្ងង់ដល់ថ្នាក់នឹងទេ បើសិនជានៅពីក្រោយករណីនេះ ចាប់បាច់អីចាប់ជនសង្ស័យបញ្ជូនឱ្យសមត្ថកិច្ចថៃសើបធ្វើអ្វី ។ សម្ដេចមហាបវរធិបតីបានបញ្ជាក់ថា លោកនយោបាយជើង១០ ភ្នែក៥ គឺតែងតែនាំពលរដ្ឋបាស់បោរនេះ គ្រាន់តែគេបាញ់ភ្លាម បានដើរតួនាទីជាប៉ូលីស ព្រះរាជអាជ្ញា និងតុលាការ ដើម្បីកាត់ក្ដីថា សម្ដេចតេជោអ្នកបញ្ជារួចទៅហើយ តើយុត្ដិធម៌ដែរ ឬទេ ។

សម្ដេចធិបតី ថ្លែងថា ចឹងមានតែគាត់ភ្នែកទិព្វ ហើយយករឿងនឹងធ្វើជីវកម្មនយោបាយរួចទៅហើយ ។តុលាការមិនទាន់ចាប់បានផងខ្លួនឯកធ្វើការកាត់សេចក្ដីរួចទៅហើយ ។ហើយការកាត់សេចក្ដីនេះមិនមែនសាលាដំបូងទេ គឺសាលាកំបូល ហើយបិទផ្លូវតវា បានន័យថាគាត់ចោទសម្ដេចតេជោ គណបក្សប្រជាជន និងរដ្ឋាភិបាលកម្ពុជាជាអ្នកធ្វើឃាត់ គេកំពុងកេងចំណេញក្នុងការធ្វើនយោបាយ។ ឥឡូវសំនួរសួរថា ថាតើរដ្ឋាភិបាលជាធ្វើ ត្រឹមតែអ្នកបាញ់មួយនៅថៃ រួចរត់ចូលដីខ្មែរ ថាតើរដ្ឋាភិបាលគ្មានលទ្ធភាពលាក់បំបាំងម្នាក់នឹងដែរឬទេ គឺយើងមានលទ្ធភាពគ្រប់បែបយ៉ាង ។ តែសួរថាហេតុអីចូលមកភ្លាមកម្លាំងសមត្ថកិច្ចយើងបានចាប់ជនដៃដល់ហើយបញ្ជូនទៅឱ្យជនដៃដល់ប្រគល់ជូនតាមការស្នើសុំរបស់គេ ដើម្បីធ្វើការសើបអង្កេតបន្ដ ដោយយើងចង់ដឹងថារឿងនេះ ថារឿងនេះយ៉ាងម៉េចផងដែរ? ព្រោះរដ្ឋាភិបាលត្រូវបានគេចោទប្រកាន់ដោយអយុត្ដិធម៌រួចទៅហើយ ដោយមិនទាន់សួរ មិនទាន់ឃើញមុខសញ្ញាឃាតករ គឺគេចោទរួចទៅហើយ ហើយបិទផ្លូវតវាទៀត ។

ជាមួយគ្នានេះ សម្ដេចបវរធិបតី បានបញ្ជាក់ថា រាជរដ្ឋាភិបាលកម្ពុជា សូមប្រកាសថ្កោលទោស ចំពោះសកម្មភាពបាញ់ប្រហារលោក លិម គិមយ៉ា និងចូលរួមរំលែកទុក្ខដល់គ្រួសារសព ។ជាពិសេស ស្នើសុំអ្នកនយោបាយកុំធ្វើអាជីវកម្មលើសពដែលបានធ្លាប់ធ្វើកន្លងមកផងដែរ៕