ឯកសារដដែលបានបញ្ជាក់នៅថ្ងៃទី២៣ ខែមករា ឆ្នាំ២០២៤ កន្លងទៅថា ការដែលបញ្ចប់ភារកិច្ច លោក លី រតនរស្មី ពីទីប្រឹក្សា ដោយសារសាមីខ្លួនបានប្រព្រឹត្តកំហុសឆ្លង ដែលផ្ទុយនឹងកម្មវិធីនយោបាយ និងលក្ខកន្តិកៈរបស់គណបក្ស ។
យោងតាមសំណេរ រដ្ឋលេខាធិការទីស្ដីការគណ:រដ្ឋមន្រ្តី លោក គួច វែងស្រ៊ុន បានសរសេរនៅលើបណ្ដាញសង្គមថា បុគ្គលម្នាក់នេះ ធ្លាប់នៅក្បែរជនក្បត់ជាតិបីជំនាន់មិនកែសណ្តាន បេីទោះបីជាធ្លាប់ទទួលបានការសណ្តោសប្រណីពីសម្តេចតេជោ តែបានត្រឹមមួយខែតិចតួច ក៏ត្រូវបញ្ចប់តួនាទីវិញ។ ចាស់ថា “កែអ្វីអាចកែបាន តែកែសណ្តាន និងចរិតពាល គឺគ្មានថ្ងៃកែបាននោះទេ ពិសេសសណ្តានដែលបណ្តុះដោយជនក្បត់ជាតិបីជំនាន់” ។
គណបក្សប្រជាជនកម្ពុជា មិនងាយនឹងបញ្ចប់ និងដកតួនាទីនោះទេ លុះត្រាតែអស់កែ ឬកែលែងបាន ពិសេសនាំឱ្យប៉ះពាល់ប្រយោជន៍ជាតិ និងប្រជាជនធ្ងន់ធ្ងរ ដូចនេះការបញ្ចប់តួនាទីរបស់បុគ្គលនេះ គឺសរបញ្ជាក់ច្បាស់ពីចរិត និងសណ្តាន ព្រមទាំងសកម្មភាពមិនល្អ ដែលមិនអាចទទួលបានដាច់ខាត។ តែងតាំងចុងខែមករា បញ្ចប់ពាក់កណ្តាលខែមីនា ២០២៤ គឺពិតជាលឿនណាស់ ៕