|
ក្រុមការងារអាវុធហត្ថខេត្តកំពង់ស្ពឺ បន្តចុះអប់រំបញ្ហាក្មេងទំនើង និងបញ្ហាគ្រឿងញៀននៅតាមសាលា
ថ្ងៃទី ៖ 02-01-2025, ដោយ Dara007 , 31 Views
កំពង់ស្ពឺៈ ក្រុមការងារអាវុធហត្ថខេត្តកំពង់ស្ពឺ បន្តចុះអប់រំបញ្ហាក្មេងទំនើង និងបញ្ហាគ្រឿងញៀននៅតាមសាលា ដើម្បីធ្វើការផ្សព្វផ្សាយ ដល់សិស្សានុសិស្សយល់ដឹងអំពីហានិភ័យ និងត្រូវជៀសឆ្ងាយបញ្ហាទាំងនេះ។
ថ្លែងក្នុងការចុះផ្សព្វផ្សាយលើកកម្ពស់ការអប់រំដើម្បីសហគមន៍គ្មានគ្រឿងញៀន ផលប៉ះពាល់គ្រឿងញៀន បញ្ហាក្មេងទំនើង នៅអនុវិទ្យាល័យ ឆាយ ឆុប ស្ថិតនៅភូមិសំបួរ សង្កាត់ច្បារមន ក្រុងច្បារមន ខេត្តកំពង់ស្ពឺ នាព្រឹកថ្ងៃទី០២ ខែមករា ឆ្នាំ២០២៥ លោកវរសេនីយ៍ទោ ណុល ដារា ប្រធានមន្ទីរស្រាវជ្រាវ និងបង្ក្រាបបទល្មើស កងរាជអាវុធហត្ថខេត្តកំពង់ស្ពឺ បានលើកឡើងថា ការផ្សព្វផ្សាយ ដល់សិស្សានុសិស្ស បានជ្រួតជ្រាបពីផលប៉ះពាល់របស់ក្មេងទំនើង, ផលប៉ះពាល់នៃការប្រើប្រាស់គ្រឿងញៀនក្នុងសង្គម និងយុទ្ធនាការចុះបង្ក្រាបក្មេងទំនើងរបស់អាវុធហត្ថខេត្តកំពង់ស្ពឺ៕
|