|
រយៈពេល៤ថ្ងៃ ខេត្តកំពង់ធំទទួលបានភ្ញៀវទេសចរប្រមាណជាង១លាន
ថ្ងៃទី ៖ 17-04-2024, ដោយ Dara007 , 131 Views
កំពង់ធំៈ រយៈពេល៤ថ្ងៃ នៃពិធីបុណ្យចូលឆ្នាំថ្មីប្រពៃណីជាតិ ចាប់ពីថ្ងៃទី១៣-១៦ ខែមេសា ឆ្នាំ២០២៤ នៅទូទាំងខេត្តកំពង់ធំទទួលបានភ្ញៀវទេសចរប្រមាណជាង១លាន២សែននាក់ ហើយក្នុងចំណោមក្រុង/ស្រុកទាំង៩ តួលេខនៅស្រុកស្ទោង ក្រុងស្ទឹងសែន និងស្រុកកំពង់ស្វាយសុទ្ធតែនាំមុខគេដាច់។
របាយការណ៍បានឱ្យដឹងថា រយៈពេល៤ថ្ងៃ នៃពិធីបុណ្យចូលឆ្នាំថ្មីប្រពៃណីជាតិ ភ្ញៀវទេសចរជាតិ-អន្តរជាតិមកលេងយ៉ាងសបប្បាយនៅតាមរមណីយដ្ឋាននានា វត្តអារាម និងសាលារៀននៅទូទាំងខេត្តកំពង់ធំសរុបចំនួន ១,២៣០,៦៦៥នាក់ (ភ្ញៀវបរទេស១៩៥នាក់)។
ចំនួនភ្ញៀវទេសចរនៅតាមក្រុង/ស្រុកទាំង៩នៃខេត្តកំពង់ធំ ក្នុងរយៈពេល៤ថ្ងៃដូចគ្នា៖ * ស្រុកស្ទោង ២៧៦,៧៥០នាក់ * ក្រុងស្ទឹងសែន ២៤៤,៤៣៧នាក់ * ស្រុកកំពង់ស្វាយ ២១៧,៧១០នាក់ * ស្រុកប្រាសាទសំបូរ ៨៧,២៤៥នាក់ * ស្រុកតាំងគោក ៨៤,៤១៥នាក់ * ស្រុកប្រាសាទបល្ល័ង្ក ៨៣,៥០៦នាក់ * ស្រុកសណ្ដាន់ ៨២,១៧២នាក់ * ស្រុកសន្ទុក ៥៤,១០១នាក់
|