ទំនាក់ទំនងផ្សាយពាណិជ្ជកម្ម : ទូស័ព្ទលេខ និងTelegram 060327222
      
      
    អានព័ត៍មាន ទាំងអស់
សម្តេចតេជោ ជំរុញកម្ពុជា-ប៊ែលហ្ស៉ិក បង្កើនកិច្ចសហប្រតិបត្តិការលើស្ថាប័ននីតិបញ្ញត្តិ
ថ្ងៃទី ៖ 16-11-2026, ដោយ​​ dara007 , 42 Views
                     
ភ្នំពេញៈ សម្តេចអគ្គមហាសេនាបតីតេជោ ហ៊ុន សែន បានជំរុញឱ្យប្រទេសកម្ពុជា និងប្រទេសប៊ែលហ្ស៉ិកបង្កើនកិច្ចសហប្រតិបត្តិការលើស្ថាប័ននីតិបញ្ញត្តិរវាងប្រទេសទាំងពីរបន្ថែមទៀត ។

ក្នុងឱកាសអនុញ្ញាតឱ្យលោក បឺណ័រ ឌីស្ប៉ា ប្រធានសភាសហព័ន្ធវ៉ាល់ឡូនី-ព្រុចសែល ប្រទេសប៊ែលហ្ស៉ិក ចូលជួបសម្តែងការគួរសម សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា បានជំរុញឱ្យស្ថាប័ននីតិបញ្ញត្តិនៃប្រទេសទាំងពីរបង្កើនកិច្ចសហប្រតិបត្តិការបន្ថែមទៀត ដែលជាការជំរុញដល់ការទូតសភា ។

លោក ជា ធីរិទ្ធ អ្នកនាំពាក្យព្រឹទ្ធសភាបានឱ្យដឹងក្រោយកិច្ចជំនួបថា សម្តេចតេជោក៏បានជំរុញបន្ថែមទៀតនូវកិច្ចសហប្រតិបត្តិការក្នុងស្ថាប័ននីតិបញ្ញត្តិរវាងប្រទេសទាំងពីរដែលជាការជំរុញដល់ការទូតសភាដែលធ្វើយ៉ាងណា ឱ្យសភានៃប្រទេសទាំងពីរ មានទំនាក់ទំនងបន្ថែមទៀត ក្នុងក្របខណ្ឌទ្វេភាគី” ។

សម្តេចតេជោមានប្រសាសន៍បន្តថា ការជំរុញនេះគឺជាការជ្រោមជ្រែងបន្ថែមទៀតដល់ស្ថាប័ននីតិបញ្ញត្តិរបស់ប្រទេសទាំងពីរ ។ បន្ថែមពីលើនេះទៀត សម្តេចតេជោក៏បានលើកឡើងពីកិច្ចសហប្រតិបត្តិការក្នុងក្របខណ្ឌតំបន់ ជាពិសេសរវាងអាស៊ាននិងសហគមន៍អឺរ៉ុបដែលជាកត្តាសំខាន់ក្នុងការរុញច្រានបំពេញឱ្យគ្នាទៅវិញទៅមកក្នុងវិស័យសេដ្ឋកិច្ច ។

សូមបញ្ជាក់ថា ទំនាក់ទំនងការទូតរវាងកម្ពុជា និងប៊ែលហ្ស៊ិក មានភាពរឹងមាំ និងឈានចូលដល់ខួបលើកទី៦០ នៅឆ្នាំ២០២៧ ខាងមុខ។

ប្រទេសទាំងពីរបានបង្កើតទំនាក់ទំនងការទូតដំបូងនៅឆ្នាំ១៩៥៥ និងបានភ្ជាប់ទំនាក់ទំនងឡើងវិញនៅឆ្នាំ១៩៩២ ដោយបន្តពង្រីកកិច្ចសហប្រតិបត្តិការលើវិស័យពាណិជ្ជកម្ម យុត្តិធម៌ និងទេសចរណ៍៕

      
      
    ព័ត៍មានអន្តរជាតិ
      
    ព័ត៌មានសេដ្ឋកិច្ច
ភ្នំពេញៈ កម្ពុជា-រវ៉ាន់ដា ឯកភាពពង្រឹង និងពង្រីកកិច្ចលើវិស័យពាណិជ្ជកម្ម, ទេសចរណ៍ និង វិស័យសក្កានុពលសំខាន់ៗមួយចំនួនទៀត ដើម្បីនាំមកនូវឧត្តមប្រយោជន៍សម្រាប់ប្រជាជននៃប្រទេសទាំងពីរ។ ...
      
    ព័ត៍មានកីឡា
    ព័ត៍មានកំសាន្ត
អាសយដ្ឋាន ៖
ផ្ទះលេខ168 ផ្លូវបេតុង ភូមិគោកឃ្លាង សង្កាត់គោកឃ្លាង ខណ្ឌសែនសុខ
រាជធានីភ្នំពេញ
ទំនាក់ទំនងផ្សាយពាណិជ្ជកម្ម ៖
017 32 36 36
campost2022@gmail.com
Copyright @ 2017-2024, Campost.asia, campost2022@gmail.com