ប្រាប់អ្នកសារព័ត៌មានក្នុងព្រឹត្តិការភូមិហ្រ្វង់កូហ្វូនី នៅរាជធានីភ្នំពេញ ចាប់ពីថ្ងៃទី១៣ ដល់ថ្ងៃទី១៧ ខែវិច្ឆិកា លោកស្រី ឃួន វិច្ឆិកា អគ្គនាយកនៃអគ្គនាយកដ្ឋានបណ្ដុះបណ្ដាល និងវិក្រឹត្ដការ និងជាអ្នកនាំពាក្យក្រសួងអប់រំយុវជន និងកីឡា បានមានប្រសាសន៍ថា កន្លងមកលោកជំទាវក៏បានជួបពិភាក្សាជាមួយសភាពាណិជ្ជកម្ម និងសមាជិកពាណិជ្ជកម្ម បារាំងតែងតែលើកឡើងថា ការស្វែងរកអ្នកចេះនិយភាសារបារាំង គឺមានភាពពិបាក ហើយប្រសិនបើមានអ្នកចេះនិយភាសារបារាំង គឺមានសមត្ថភាពខ្ពស់ និងទទួលប្រាក់ខែខ្ពស់។ លោកស្រីបន្ដថា ក្នុងពេលបច្ចុប្បន្ននេះ ការចេះភាសាច្រើន ពិសេសភាសាបារាំងក៏ជាជម្រើសមួយទៀត ដើម្បីឱ្យមានទស្សនៈវិស័យកាន់តែវែងឆ្ងាយ ពីព្រោះការចេះច្រើនភាសាបានបើកផ្លូវ បើគំនិត និងបើកឱកាសឱ្យយើងសិក្សាស្វែងយល់វប្បធម៌ អរីយ៍ធម៌ ស្រាវជ្រាវ និងឱកាសផ្សេងៗទៀត សម្រាប់សិស្សានុសិស្សជំនាន់ក្រោយ។

លោកស្រីជឿជាក់ថា ដៃគូរ និងក្រុមហ៊ុនបារាំងជាច្រើនកំពុងបណ្ដាក់ទុនវិនិយោគនៅកម្ពុជា ក៏កំពុងស្វែងរកអ្នកមានចំណេះដឹងជ្រៅជ្រះផ្នែកបច្ចេកទេស និងនិយាយភាសាបារាំង ។ជាពិសេស ការចេះភាសាបារាំងក៏ជាផ្នែកមួយយ៉ាងសំខាន់ក្នុងការកសាងអនាគតយុវជនកម្ពុជាផងដែរ។

ទន្ទឹមនឹងនេះ លោកស្រីបន្ថែមថា ក្រសួងអប់រំបានជំរុញកម្មវិធីសិក្សាភាសាបារាំង សិក្សាតាំងពីថ្នាក់ចាប់ពីថ្នាក់ទី៤ ដល់ទី១២ ហើយក្រសួងអប់រំបានដាក់ភាសាបារាំងនៅក្នុងវិធីសិក្សា ក្រៅតែកម្មវិធីប្រវត្ដិសាស្រ្ដដែលយើងមានទំនាក់ទំនងយ៉ាងជិតស្និតប្រទេសបារាំង ក៏ដូចជា ប្រទេសបារាំងមានឯកសារស្រាវជ្រាវពាក់ព័ន្ធកម្ពុជាជាច្រើន ។

ជាមយយគ្នានេះ លោកស្រីបានអំពាវនាវឱ្យមានមាតាបិតា និងសហគមន៍ ជំរុញឱ្យសិស្សានុសិស្សរៀនភាសាបារាំងឱ្យបច្រើន ខណៈការរៀន និងចេះនិយាយភាសាបារាំងនាពេលបច្ចុប្បន្ននេះនៅកម្ពុជានូវមានកម្រឹតតិចនៅឡើយ៕