បណ្ដាទូត និងតំណាងទូតទាំងនោះមានដូចជា ព្រុយណេ រុស្ស៊ី ប៉ាគីស្ថាន មីយ៉ាន់ម៉ា គុយបាឥណ្ឌា ទីម៉័រឡេស្តេ ប្រេស៊ីល ឡាវ វៀតណាមតួគី សហរដ្ឋអាមេរិក ជប៉ុន ចិន ឥណ្ឌូនេស៊ី ម៉ាឡេស៊ី និងបណ្តាអង្គការក្នុងក្របខ័ណ្ឌអង្គការសហប្រជាជាតិ មានដូចជា UNs OIs UNRC WFP។ ដំណើរទស្សនកិច្ចពីស្ថានភាពជាក់ស្ដែងនេះធ្វើឡើងនៅថ្ងៃទី២៧ ខែមីនា ឆ្នាំ២០២៦ ក្រោមការសម្របសម្រួល និងដឹកនាំដោយឯកឧត្តមឧបនាយករដ្ឋមន្ត្រី ប្រាក់ សុខុនរដ្ឋមន្ត្រីក្រសួងការបរទេស និងកិច្ចសហប្រតិបត្តិការអន្តរជាតិ។

លោក ខូយ រីដាអភិបាលខេត្តពោធិ៍សាត់ បានឱ្យដឹងថា កាលដំបូងឡើយមានពលរដ្ឋភៀសសឹកពីឃុំថ្មដាចំនួន៩០០គ្រួសារ បានភាសិតមកកាន់ជំរុំសុវត្ថិភាពក្រោយយោធាតុថៃកម្ពុជា។ ប៉ុន្តែក្រោយមកចំនួន៧០០គ្រួសារ ក៏បានវិលត្រឡប់ទៅផ្ទះវិញ។ ដោយឡែកចំនួន ៧៦គ្រួសារ មិនអាចត្រឡប់ទៅផ្ទះវិញបានដោយសារយោធាថៃដាក់លួសបន្លា និងទូរកុងតឺន័រមិនឱ្យចូលផ្ទះ និងភូមិឋានវិញបាន។

លោកគូសបញ្ជាក់ថា ទាំងប្រជាពលរដ្ឋដែលបានទៅរស់នៅភូមិឋានវិញខ្លះហើយ និងប្រជាពលរដ្ឋដែលកំពុងស្នាក់នៅជំរំភៀសសឹកនៅតែមានភាពភ័យខ្លាច ចំពោះការបង្ករសង្គ្រាម និងបំភិតបំភ័យរបស់យោថៃ។

លោក ឧបនាយករដ្ឋមន្ត្រី ប្រាក់ សុខុន បានបញ្ជាក់ថា រាជរដ្ឋាភិបាលកម្ពុជាកំពុងខិតខំដោះស្រាយតាមផ្លូវការទូត ក្នុងការទាមទារយកទឹកដីកម្ពុជាពីការឈ្លានពានរបស់ថៃមកវិញ ដោយមិនប្រើប្រាស់កម្លាំងប្រដាប់អាវុធ ដើម្បីទាមទារទឹកដីនោះឡើយ។ ការចរចារបស់កម្ពុជា គឺធ្វើឡើងផ្អែកតាមការទូត ដោយយកផែនទីបារាំង-សៀមដែលទទួលស្គាល់ជាលក្ខណៈអន្តរជាតិ៕