លោកស្រី ម៉ាលី សុជាតា អ្នកនាំពាក្យក្រសួងការពារជាតិ បានឱ្យដឹងថា នៅម៉ោង៨និង១២នាទី យោធាថៃ បានបាញ់ផ្លោងចូលភូមិបឹងត្រកួន និងភូមិសាស្ត្រភូមិជោគជ័យ។
នៅម៉ោង៩ និង៥៨នាទី ទ័ពឈ្លានពានបានបាញ់ផ្លោងចូលភូមិសាស្ត្រភូមិព្រៃចាន់។ ឈានដល់ម៉ោង១១ និង៦នាទី ពួកគេបានប្រើ F-16ទម្លាក់គ្រាប់បែកក្នុងភូមិសាស្ត្រក្រុងប៉ោយប៉ែត។ ដល់ម៉ោង១១ និង២០នាទី ពួកគេប្រើដ្រូនស៊ើបការណ៍រំលោភក្នុងដែនអធិបតេយ្យកម្ពុជា នៅភូមិសាស្ត្រក្រោយភូមិជោគជ័យ និងភូមិព្រៃចាន់។
នៅម៉ោង១ និង៥២នាទី ពួកគេបានបាញ់ផ្លោងចូលភូមិសាស្ត្រភូមិព្រៃចាន់។ ម៉ោង២ និង៣២នាទី យោធាថៃបន្តប្រើប្រាស់ F-16ទម្លាក់គ្រាប់បែកក្នុងភូមិសាស្ត្រក្រុងសិរីសោភ័ណ ខេត្តបន្ទាយមានជ័យ ហើយបន្តសកម្មភាពដដែលនេះ នៅម៉ោង២ និង៤៥នាទី។
នៅម៉ោង២ និង៤៧នាទី យោធាឈ្លានពានថៃ បានបន្តប្រើប្រាស់កាំភ្លើងដៃបាញ់ ចូលក្នុងភូមិសាស្ត្រអូរភ្លុកដំរី។