សម្រាប់កម្ពុជា, ការដោះមីននេះ អាចចាប់ផ្តើមបានភ្លាមនៅក្នុងតំបន់ដែលបានកំណត់ខណ្ឌសីមាច្បាស់លាស់ ឬតំបន់ដែលគ្មានជម្លោះលើខ្សែបន្ទាត់ព្រំដែន។ ដោយឡែក, សម្រាប់តំបន់ទំនាស់ ដែលការខណ្ឌសីមាមិនទាន់ត្រូវបានកំណត់នៅឡើយ, ការអនុវត្តប្រកបដោយប្រសិទ្ធភាព និងឱ្យបានពេញលេញនូវបទឈប់បាញ់ ដែលកម្ពុជា និង ថៃ បានព្រមព្រៀងគ្នានៅក្នុងកិច្ចប្រជុំពិសេសកាលថ្ងៃទី២៨ ខែកក្កដា និងក្នុងកិច្ចប្រជុំវិសាមញ្ញនៃគណៈកម្មាធិការព្រំដែនទូទៅ GBC នាថ្ងៃទី៧ ខែសីហា ឆ្នាំ២០២៥ នៅប្រទេសម៉ាឡេស៊ី គឺ ជាជំហានដ៏សំខាន់ សម្រាប់សភាពការណ៍បច្ចុប្បន្ន ដើម្បីធានាសន្តិភាព និងស្ថិរភាពនៅតាមព្រំដែនទាំងពីរ ក៏ដូចជាដើម្បីឈានឆ្ពោះទៅកាន់ប្រក្រតីឡើងវិញក្នុងទំនាក់ទំនងរវាងប្រទេសទាំងពីរ៕