លោកមេបញ្ជាការ បានលើកឡើងថា ការដាក់ឲ្យប្រើប្រាស់នូវប្រពន្ធ័ 1292 ឬហៅ ថា Hotline នេះ យើងទាំងអស់គ្នាត្រូវមានការទទួលខុសត្រូវឲ្យបានខ្ពស់ ជាកស្តែង នូវពេលយើងប្រើប្រាស់លេខ Hotline 1292 និងមានការរវល់ច្រើន តែទោះជាយ៉ាងណា ក៏ដោយ យើងទាំងអស់គ្នាត្រូវតែលះការហត់នឿយ ហើយធ្វើឲ្យបាននូវការងារនេះ ដើម្បីធានាសន្តិសុខ សុវត្តិភាព និងធានា សណ្តាប់ធ្នាប់ជូនប្រជាពលរដ្ឋ ថ្នាក់ ដឹកនាំ និងអ្នកវិនិយោគ នៅក្នុងមូលដ្ឋានរបស់យើង ។

ក្នុងកិច្ចប្រជុំខាងលើ លោក មេបញ្ជាការ ក៏បានពិភាក្សាអំពី ការផ្សព្វផ្សាយអំពីលេខ 1292 ជូនទៅដល់ប្រជាពលរដ្ឋ ដើម្បីឲ្យប្រជាពលរដ្ឋ យល់កាន់តែច្បាស់ ពីគុណសម្បត្តិ និងការប្រើប្រាស់ ក្នុងការទំនាក់ទំនងមកកាន់ លេខ Hotline 1292  នោះផងដែរ ។

សូមបញ្ជាក់ថា លេខ Hotline 1292 នេះ គឺទទួលការ ហៅចូលបានគ្រប់ប្រពន្ធ័ ដោយមិនអស់លុយនោះទេ លោកឧត្តមសេនីយ៍ត្រី មេបញ្ជាការ តែងតែគិតគូរ និងយកចិត្តទុកដាក់ ជួយសម្រួលការចំណាយ និងការលំបាករបស់ប្រជាពលរដ្ឋ ដើម្បីឲ្យមានភាពងាយស្រួល ក្នុងការ ផ្តល់ ព័ត៌មាន មកកាន់កម្លាំងជំនាញ ឲ្យទាន់ពេល និងដើម្បីឲ្យកម្លាំងជំនាញ ចុះអន្តរាគមន៍ទាន់ពេលវេលា ជូនដល់ប្រជាពលរដ្ឋ ដែលជាជនរងគ្រោះ។ ដោយមើលឃើញដូច្នេះ លោកឧត្តមសេនីយ៍ត្រី មេបញ្ជាការ ក៏បានសម្រេចដាក់លេខ Hotline 1292 ឲ្យប្រើប្រាស់ក្នុងបញ្ជាការដ្ឋាន កងរាជអាវុធហត្ថខេត្តកំពង់ស្ពឺ ៕