|
គណៈកម្មាធិការព្រំដែនតំបន់ត្រៀមរៀបចំកិច្ចប្រជុំជាមួយភាគីថៃដែលនឹងប្រព្រឹត្តទៅនៅជិត២សប្តាហ៍ខាងមុខទៀតនេះ
ថ្ងៃទី ៖ 12-08-2025, ដោយ Dara007 , 32 Views
ភ្នំពេញៈ ថ្លែងក្នុងសន្និសិទសង្ខេបព័ត៌មានស្តីពីលទ្ធផលនៃការអនុវត្តបទឈប់បាញ់រវាងកម្ពុជា-ថៃ នាព្រឹកថ្ងៃទី១២ ខែសីហា ឆ្នាំ២០២៥ នៅទីស្តីការគណៈរដ្ឋមន្ត្រី លោកស្រីឧត្តមសេនីយ៍ឯក ម៉ាលី សុជាតា អនុរដ្ឋលេខាធិការ និងជាអ្នកនាំពាក្យក្រសួងការពារជាតិកម្ពុជាបានបញ្ជាក់ថា នាព្រឹកថ្ងៃទី១២ ខែសីហា ឆ្នាំ២០២៥ គណៈកម្មាធិការព្រំដែនតំបន់ (RBC) កំពុងរៀបចំកិច្ចប្រជុំជាមួយភាគីថៃ ដែលនឹងប្រព្រឹត្តទៅ នៅជិត២សប្តាហ៍ ខាងមុខទៀតនេះ។
លោកស្រីបានបញ្ជាក់ថា នេះគឺស្របតាមស្មារតីនៃកិច្ចប្រជុំវិសាមញ្ញគណៈកម្មាធិការព្រំដែនទូទៅ (GBC) កាលពីថ្ងៃទី០៧ ខែសីហា ឆ្នាំ២០២៥ កន្លងទៅនេះ នៅប្រទេសម៉ាឡេស៊ី។
លោកស្រីបន្ដថា កម្ពុជា សង្ឃឹមថា កិច្ចប្រជុំ RBC នេះ នឹងចូលរួមជាវិជ្ជមានបន្ថែមទៀតដល់ការអនុវត្តកិច្ចព្រមព្រៀងបទឈប់បាញ់ និងការនាំមកនូវសន្តិភាព សន្តិសុខ និងប្រក្រតីភាពនៃទំនាក់ទំនងប្រទេសទាំងពីរ៕
|