នាថ្ងៃទី១៦ ខែកក្កដា ឆ្នាំ២០២៥ អនុវត្តតាមសេចកី្តសម្រេចលេខ០៨៥ សសរ របស់អគ្គស្នងការដ្ឋាននគរបាលជាតិ ដោយមានការចង្អុលដឹកនាំពីលោក ឧត្តមសេនីយ៍ឯក​ ចេវ ហាក់ អគ្គស្នងការរង និងដឹកនាំបញ្ជាផ្ទាល់ពីឯកឧត្តម ឧត្តមសេនីយ៍ឯក ហេង ចាន់ធារី ប្រធាននាយកដ្ឋាន នគរបាលចរាចរណ៍ និងសណ្តាប់ធ្នាប់សាធារណៈ ក្រុមការងារតាមដានត្រួតពិនិត្យ និងលើកកម្ពស់ប្រសិទ្ធភាពការអនុវត្តច្បាប់ នគរបាលចរាចរណ៍ផ្លូវគោក បាន​ចុះ​ត្រួតពិនិត្យការអនុវត្តច្បាប់ របស់នគរបាលចរាចរណ៍ផ្លូវគោកក្នុងភូមិសាស្រ្ត ខេត្តតាកែវ កែប និងកំពត ដឹក​នាំ​ដោយ​លោកឧត្តមសេនីយ៍ទោ សុខ ណុប អនុ​ប្រធាននាយកដ្ឋាន ខេត្តព្រៃវែង ដឹក​នាំ​ដោយ​លោកឧត្តមសេនីយ៍ទោ ចេង វុឌ្ឍី​ អនុប្រធាននាយកដ្ឋាន, ខេត្ត​ក្រចេះ និង​ស្ទឹង​ត្រែង​ ដឹក​នាំ​ដោយ​លោកឧត្តមសេនីយ៍ទោ ចាន់ស៊ីណាត អនុប្រធាននាយកដ្ឋាន, ខេត្ត​កណ្តាល​ និងពោធិ៍សាត់ ដឹក​នាំ​ដោយលោកឧត្តមសេនីយ៍ទោ ឡៃ​ ហួត អនុប្រធាននាយកដ្ឋាន​។

ការចុះ​ត្រួតពិនិត្យ ធ្វើ​ឡើង​ក្នុងគោលបំណង ពង្រឹងវិន័យ ក្រមសីលធម៌ វិជ្ជាជីវៈ ដល់មន្រី្តនគរបាលចរាចរណ៍ផ្លូវគោក បង្កើនប្រសិទ្ធភាពការអនុវត្តច្បាប់សី្តពីចរាចរណ៍ផ្លូវគោក ស្របតាមយន្តការណ៍ដឹកនាំរបស់ក្រសួងមហាផ្ទៃ ជាពិសេសអគ្គស្នងការដ្ឋាននគរបាលជាតិ៕