ដីលក់បន្ទាន់ ស្ថិតនៅទីប្រជុំ ក្បែរសាលារៀន មន្ទីរពេទ្យ វត្តអារាម សាលាសង្កាត់ និងផ្សារ ពិសេសនៅជិតតំបន់ទេសចរ ។ បើចាប់អារម្មណ៍ចង់បានដីយកទៅសង់ផ្ទះ សូមទំនាក់ទំនងតាមរយៈលេខទូរសព្ទ ឬតេលេក្រាម 017 39 47 47
      
      
    អានព័ត៍មាន ទាំងអស់
លោក កែ គឹមយ៉ាន៖ រាជរដ្ឋាភិបាលលើកស្ទួយសុខដុមនីយ៍កម្មសាសនា ប្រឆាំងដាច់ខាតការរើសអើងជំនឿសាសនា
ថ្ងៃទី ៖ 03-04-2025, ដោយ​​ Dara007 , 46 Views
                     
បន្ទាយមានជ័យៈ លោក កែ គឹមយ៉ាន ថ្លែងថា រាជរដ្ឋាភិបាលលើកស្ទួយសុខដុមនីយ៍កម្មសាសនា ប្រឆាំងដាច់ខាតការរើសអើងជំនឿសាសនា ដើម្បីប្រែក្លាយសក្តានុពលសាសនាទាំងអស់ទៅជាកម្លាំងសាមគ្គីជាតិតែមួយដ៏ខ្លាំងក្លា ក្នុងការការពារសន្តិភាព ឯកភាពជាតិ ជំរុញការអភិវឌ្ឍសង្គម សេដ្ឋកិច្ច។

លោក កែ គឹមយ៉ាន អ្នកតំណាងរាស្រ្ត និងជាឧត្តមប្រឹក្សាផ្ទាល់ព្រះមហាក្សត្រ ថ្លែងបែបនេះក្នុងឱកាសដែលឯកឧត្តម និងលោកជំទាវ ម៉ៅ ម៉ាល័យ ព្រមទាំងក្រុមការងារគ្រប់ថ្នាក់និងអាជ្ញាធរដែនដីអញ្ជើញជាអធិបតីក្នុងពិធីបុណ្យបញ្ចុះខណ្ឌសីមានិងសម្ពោធឆ្លងព្រះវិហារថ្មី នៅវត្តរតននិមិត្តសំពៅផល ដែលមានតម្លៃសរុប ៣២៨ពាន់៤៤១ដុល្លាអាមេរិក ស្ថិតនៅឃុំរហាត់ទឹក ស្រុកមង្គលបូរី នាព្រឹកថ្ងៃទី០៣ ខែមេសា ឆ្នាំ២០២៥។

ក្នុងឱកាសនោះដែរ លោក កែ គឹមយ៉ាន បានបន្តថារាជរដ្ឋាភិបាលកម្ពុជាដឹកនាំដោយសម្តេចធិបតីហ៊ុន ម៉ាណែត បានខិតខំអភិរក្ស អភិវឌ្ឍ គាំទ្រ លើកស្ទួយ ការគោរពនូវសិទ្ធិសេរីភាពខាងជំនឿ សាសនា ការខិតខំពង្រឹងសុខដុមនីយ៍កម្មរវាងគ្រប់សាសនា ជាតិសាសន៍ ប្រឆាំងដាច់ខាតការរើសអើងជំនឿសាសនា សំដៅប្រែក្លាយសក្តានុពលសាសនាទាំងអស់ទៅជាកម្លាំងសាមគ្គីជាតិតែមួយដ៏ខ្លាំងក្លា ក្នុងការការពារសន្តិភាព ឯកភាពជាតិ ជំរុញការអភិវឌ្ឍសង្គម សេដ្ឋកិច្ច លើកកម្ពស់សីលធម៌រស់នៅជាពិសេសយុវវ័យ តាមរយៈកម្មវិធីព្រះពុទ្ធសាសនា ការបញ្ចូលខ្លឹមសារអប់រំក្នុងពេលសម្តែងធម្មទេសនា ដើម្បីឲ្យយុវវ័យចៀសផុតពីអំពើអបាយ គ្រោះថ្នាក់ចរាចរណ៍ គ្រឿងញៀន ជាដើម ហើយវត្តអារ៉ាមក៏បានផ្តល់ជាទីជម្រកសម្រាប់សិស្ស និស្សិត និងជនគ្មានទីពឹងសម្រាប់ស្នាក់អាស្រ័យផងដែរ ដែលជាកិច្ចការមនុស្សធម៌មួយក្នុងវិស័យពុទ្ធសាសនា។

ជាមួយគ្នានេះ លោក កែ គឹមយ៉ាន បានអំពាវនាវដល់ មន្រ្តីរាជការ អាជ្ញាធរដែនដី បងប្អូនប្រជាពលរដ្ឋ និងវិស័យពាក់ព័ន្ធទាំងអស់ត្រូវបន្តរួមគ្នាពង្រឹងការអនុវត្តឲ្យបានម៉ឺងម៉ាត់នូវគោលនយោបាយភូមិ ឃុំ មានសុវត្ថិភាព ថែរក្សាសុខសន្តិភាព ស្ថិរភាពនយោបាយ សណ្តាប់ធ្នាប់សង្គម សុខដុមនីយ៍កម្មសាសនា សុខភាព រៀបចំសណ្តាប់ធ្នាប់តាមទីអារាមទាក់ទាញទេសចរណ៍សង្រ្កាន្តឆ្នាំថ្មី សុខភាពមនុស្សចាស់ ការផ្តល់សេវាដោយប្រសិទ្ធភាព រកទីផ្សារកសិផល បង្ការការពារគ្រោះរាំងស្ងួត និងអគ្គីភ័យជាដើម។

ជាមួយគ្នានេះដែរ លោក កែ គឹមយ៉ាន  បាននាំយកនូវទេយ្យវត្ថុ បច្ច័យកសាងវេរប្រគេនដល់ព្រះសង្ឃ និងនាំអំណោយចែកជូនមន្រ្តីរាជការ កងកម្លាំង និងអ្នកចូលរួម ព្រមទាំងបំពាក់គ្រឿងឥស្សរិយយជូនដល់សប្បុររសជនផងដែរ៕

      
      
    ព័ត៍មានអន្តរជាតិ
      
    ព័ត៌មានសេដ្ឋកិច្ច
ភ្នំពេញៈ លោកស្រី ចម និម្មល រដ្ឋមន្ត្រីក្រសួងពាណិជ្ជកម្ម ថ្លែងថា ការតម្លើងនេះ គឺអ្នកបញ្ជាទិញដំបូង និងប្រជាជននៅសហរដ្ឋអាមេរិក ដែលជាអ្នកប្រើប្រាស់ផលិតផលពីកម្ពុជា គឺជាអ្នកទទួលរងផលប៉ះពាល់ដំបូង ហើយផលប៉ះពាល់បន្ទាប់គឺកម្ពុជា ជាពិ ...
      
    ព័ត៍មានកីឡា
    ព័ត៍មានកំសាន្ត
អាសយដ្ឋាន ៖
ផ្ទះលេខ168 ផ្លូវបេតុង ភូមិគោកឃ្លាង សង្កាត់គោកឃ្លាង ខណ្ឌសែនសុខ
រាជធានីភ្នំពេញ
ទំនាក់ទំនងផ្សាយពាណិជ្ជកម្ម ៖
017 32 36 36
campost2022@gmail.com
Copyright @ 2017-2024, Campost.asia, campost2022@gmail.com