ការថ្លែងរបស់សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទីនៃព្រះរាជាណាចក្រកម្ពុជា ក្នុងឱកាសអញ្ជើញពិធីបំពាក់ឋានន្តរសក្តិ ថ្នាក់នាយឧត្តមសេនីយ៍ផុតលេខផ្កាយមាស៥ នៃកងយោធពលខេមរភូមិន្ទ ជូនសម្តេចពិជ័យសេនា ទៀ បាញ់ និងសម្តេចកិត្តិសង្គហបណ្ឌិត ម៉ែន សំអន នាថ្ងៃទី២១ ខែមីនា ឆ្នាំ២០២៥។

សម្តេចតេជោ ហ៊ុន សែន មានប្រសាសន៍ថា នៅលើពិភពលោកមានគណបក្សប៉ុន្មានធ្វើបានដូចគណបក្សប្រជាជនកម្ពុជា មានសមាសភាពប្រាំក្រុម បានបង្កើតទៅជាមួយក្រុម ដោយបានរួមរស់ជាមួយគ្នាក្នុងរយៈ៤៨ឆ្នាំកន្លងមកនេះ ។

សម្ដេចតេជោ ហ៊ុន សែន បានផ្ដាំទៅក្រុមប្រឆាំង ឬគណបក្សណាក៏ដោយ សូមកុំព្យាយាមបំបែកផ្ទៃក្នុង គណបក្សប្រជាជនកម្ពុជា អ្នកដែលចង់បំបែកបំបាក់គណបក្សប្រជាជនអ្នកកាន់តែធ្វើកាន់តែគ្រោះថ្នាក់ ហើយចុងក្រោយគឺបែកបាក់បក្សខ្លួនឯងទៅវិញទេ។

សម្ដេចតេជោ ណែនាំដល់សមាជិកគណបក្សប្រជាជនកម្ពុជាទាំងអស់ត្រូវដឹងអំពីការវាយប្រហារបស់ក្រុមប្រឆាំង ហើយយើងត្រូវវាយចំណុចខ្សោយគេវិញដែរ។