ការថ្លែងរបស់សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទីនៃព្រះរាជាណាចក្រកម្ពុជា ក្នុងឱកាសអញ្ជើញពិធីបំពាក់ឋានន្តរសក្តិ ថ្នាក់នាយឧត្តមសេនីយ៍ផុតលេខផ្កាយមាស៥ នៃកងយោធពលខេមរភូមិន្ទ ជូនសម្តេចពិជ័យសេនា ទៀ បាញ់ និងសម្តេចកិត្តិសង្គហបណ្ឌិត ម៉ែន សំអន នាថ្ងៃទី២១ ខែមីនា ឆ្នាំ២០២៥។

សម្តេចតេជោ ហ៊ុន សែន បានមានប្រសាសន៍ថា មានគេខាំមិនថា ហេតុអ្វីមិនបំពាក់ផ្កាយ៥ ជូនសម្តេចក្រឡាហោម ស ខេង ដែរ ហើយសម្តេចតេជោ បានខាំមិនពន្យល់វិញថា សម្តេច ស ខេង អតីតរដ្ឋមន្រ្តីក្រសួងមហាផ្ទៃ គឺស្ថិតនៅក្នុងក្របខណ្ឌស៊ីវិល តែប៉ុណ្ណោះ។

ទន្ទឹមនឹងនេះ សម្តេចតេជោ ហ៊ុន សែន បានផ្ដាំទៅក្រុមប្រឆាំង ឬគណបក្សណាក៏ដោយ សូមកុំព្យាយាមបំបែកផ្ទៃក្នុង គណបក្សប្រជាជនកម្ពុជាឱ្យសោះ អ្នកដែលចង់បំបែកបំបាក់គណបក្សប្រជាជនអ្នកកាន់តែធ្វើកាន់តែគ្រោះថ្នាក់ ហើយចុងក្រោយគឺបែកបាក់បក្សខ្លួនឯងទៅវិញទេ។

ជាមួយគ្នានេះ សម្តេចពិតជាមានមោទនភាពយ៉ាងខ្លាំង ក្រោយព្រះមហាក្សត្រប្រោសព្រះរាជទានផ្តល់ឋានន្តរសក្តិថ្នាក់ នាយឧត្តមសេនីយ៍ផុត លេខផ្កាយមាស ៥ជូនដល់សម្តេចពិជ័យសេនា ទៀ បាញ់ និងសម្តេចសង្គហបណ្ឌិត ម៉ែន សំអន នាពេលនេះ គឺពិតសាកសមនឹងទទួល ខណៈលោកទាំងពីរគឺបានជួយជាតិមាតុភូមិ និងបានរួមចំណែកយ៉ាងសកម្ម ក្នុងការធ្វើឲ្យប្រទេសកម្ពុជា មានសុខសន្តិភាពរហូតដល់សព្វថ្ងៃនេះ។

សូមបញ្ជាក់ថា បើគិតរហូតដល់ពេលនេះ កម្ពុជាមានឥស្សរជនចំនួន៥រូបហើយ ដែលទទួលបានឋានន្តរសក្តិជានាយឧត្តមសេនីយ៍ផុតលេខផ្កាយមាស៥ ក្នុងនោះមានសម្តេចអគ្គមហាធម្មពោធិសាល ជា ស៊ីម អតីតប្រធានព្រឹទ្ធសភាកម្ពុជា សម្តេចអគ្គមហាពញាចក្រី ហេង សំរិន អតីតប្រធានរដ្ឋសភា សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងប្រមុខរដ្ឋ សម្តេចពិជ័យសេនា ទៀ បាញ់ និងសម្តេចកិត្តិសង្គហបណ្ឌិត ម៉ែន សំអន ៕