ជនជាតិវៀតណាមម្នាក់ដែលទទួលបានសញ្ជាតិខ្មែរ ឈ្មោះស្ទួន រដ្ឋលេខាធិការក្រសួងអភិវឌ្ឍន៍ជនបទ
ថ្ងៃទី ៖ 27-07-2024, ដោយ admin , 173 Views
ភ្នំពេញ : ជនជាតិវៀតណាម និងសញ្ជាតិវៀតណាមម្នាក់ ឈ្មោះ ភួង សោភា (Phoung Sophea) កើតនៅក្នុងខណ្ឌឫស្សីកែវ រាជធានីភ្នំពេញ ដែលទទួលបានការត្រាស់បង្គាប់ផ្ដល់សញ្ជាតិខ្មែរ តាមសញ្ជាតូបនីយកម្ម ដោយព្រះរាជក្រឹត្យលេខ នស/រកត/០៣១៨/២៨៣ ចុះថ្ងៃទី១០ ខែមីនា ឆ្នាំ២០១៨ គឺឈ្មោះ ឭស្ទួន រដ្ឋលេខាធិការក្រសួងអភិវឌ្ឍន៍ជនបទ ។
លោក ភួង សោភា ដែលជាជនជាតិខ្មែរ ទទួលបានការត្រាស់បង្គាប់តែងតាំងជា អនុរដ្ឋលេខាធិការ នៃក្រសួងអភិវឌ្ឍន៍ជនបទ ដោយព្រះរាជក្រឹត្យលេខ នស/រកត/០១១៩/០៩៦ ចុះថ្ងៃទី១៩ ខែមករា ឆ្នាំ២០១៩ ពោលមានឋានៈជា «ឯកឧត្តម» និងរយៈពេលជាយ១០ខែក្រោយមក លោក ភួង សោភា ទទួលបានការត្រាស់បង្គាប់តែងតាំងមុខតំណែងជា រដ្ឋលេខាធិការ នៃក្រសួងអភិវឌ្ឍន៍ជនបទ ដោយព្រះរាជក្រឹត្យលេខ នស/រកត/១១១៩/១៧៧៧ ចុះថ្ងៃទី២៨ ខែវិច្ឆិកា ឆ្នាំ២០១៩ ព្រមទាំងឈានចូលមកដល់អាណត្តិរាជរដ្ឋាភិបាលកម្ពុជា នីតិកាលទី៧ នៃរដ្ឋសភា លោក ភួង សោភា រួមជាមួយភរិយា គឺ លោកស្រី គង់ សុធីរី ក៏ទទួលបានការត្រាស់បង្គាប់តែងតាំងមុខតំណែងជា រដ្ឋលេខាធិការ នៃក្រសួងអភិវឌ្ឍន៍ជនបទ ដំណាលគ្នាជាមួយ លោក លោកស្រី ចំនួន៣០រូបផ្សេងទៀត ដោយព្រះរាជក្រឹត្យលេខ នស/រកត/០៨២៣/១៩៩៤ ចុះថ្ងៃទី២២ ខែសីហា ឆ្នាំ២០២៣ ។
បច្ចុប្បន្ន លោក គង់ សោភា រដ្ឋលេខាធិការ នៃក្រសួងអភិវឌ្ឍន៍ជនបទ មានឋានន្តរស័ក្ដិឧត្តមមន្ដ្រី ថ្នាក់លេខ១ នៃក្របខ័ណ្ឌមន្ដ្រីគ្រប់គ្រងរដ្ឋបាល នៅក្រសួងអភិវឌ្ឍន៍ជនបទ (ទទួលបានការត្រាស់បង្គាប់ដំឡើងថ្នាក់ និងឋានន្តរស័ក្ដិប្រចាំឆ្នាំ ក្នុងឋានន្តរស័ក្ដិឧត្តមមន្ដ្រី ពីឧត្តមមន្ដ្រី ថ្នាក់លេខ២ មកជាថ្នាក់លេខ១ ដោយព្រះរាជក្រឹត្យលេខ នស/រកត/០៦២៤/៦០៣ ចុះថ្ងៃទី០៧ ខែមិថុនា ឆ្នាំ២០២៤) ៕
|