ថ្លែងក្នុងឱកាសអញ្ជើញជាអធិបតីក្នុងពិធីបញ្ចុះបឋមសិលាសាងសង់សារមន្ទីរ សម្ដេចព្រះព្រហ្មរតនមុនី ពិន សែម ក្នុងបរិវេណវត្តរាជបូណ៌ ស្ថិតនៅសង្កាត់សាលាកំរើក ក្រុងសៀមរាប ខេត្តសៀមរាប នៅព្រឹកថ្ងៃទី១៨ ខែកក្កដា ឆ្នាំ២០២៤នេះ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃព្រះរាជាណាចក្រកម្ពុជា បានចេញមុខប្រកាសការពារមន្រ្ដីរាជការទាំងអស់ថា គ្មានមន្រ្ដីណាម្នាក់ដេកអេះពោះ និងមិនធ្វើការងារនោះទេ បើទោះបីសមត្ថភាពរបស់មន្រ្ដីមិនល្អឥតខ្ចោះក៏ដោយ ប៉ុន្ដែមិនមែមិនខំនោះទេ មិនដូចការលើកឡើងរបស់លោកតា២នាក់នៅក្រៅប្រទេសនោះទេ ។
សម្ដេចធិបតីបានបញ្ជាក់ថា ការប្រកាសការពារមន្រ្ដីនេះមិនចេះតែកាន់ជើងទាំងងងឹតងងុលនោះទេ គឺដោយភាពជាក់ស្ដែង បន្ទាប់ពីរក្នុងរយៈ១០ខែកន្លងមកនេះ គឺគ្រប់ក្រសួងស្ថាប័នបានខិតខំបំពេញការងារយ៉ាងច្រើនណាស់ និងទទួលបានលទ្ធផលល្អ បើទោះបីជារដ្ឋមន្រ្ដីវ័យក្មេង និងថ្មីក៏ដោយចុះ ។
ទន្ទឹមនឹងនេះ សម្ដេចធិបតីបានណែនាំឱ្យមន្រ្ដីទាំងអស់ត្រូវរួមគ្នាជាក្រុម ដើម្បីបង្កើនសមិទ្ធិផល និងបង្កើនសក្ដានុពលសម្រាប់ជួយប្រជាពលរដ្ឋ និងអភិវឌ្ឍន៍សង្គមឱ្យកាន់តែចម្រើន ខណៈដែលការវៃប្រវារបស់ក្រុមប្រឆាំងមកលើក្រសួងណាមួយ ស្មើនឹងវៃប្រហាយើងទាំងអស់គ្នា ។
មួយគ្នានេះ សម្តេចធិបតីបានផ្តាំទៅលោកតាដើរម៉ាស៊ីន២នាក់មួយនៅអ៉ឺរ៉ុប និងម្នាក់នៅអាមេរិក ដែលតាំងខ្លួនចេះគ្រប់រឿង និងចាំជេរតែមន្រ្ដីរបស់កម្ពុជា ដែលខ្លួនមិនបានធ្វើអ្វីទាល់តែសោះ៕