សម្ដេចតេជោមានប្រសាសន៍ថា ថ្ងៃនេះមានការបែកធ្លាយការដែលខ្ញុំ ជំរុញឱ្យលោកស្រីសំ សុខាធ្វើការ សូមទោសជាសាធារណៈចំពោះការ ជេររបស់គាត់ដែលប៉ះពាល់ធ្ងន់ធ្ងរដល់ សីលធម៌សង្គម។ មានមនុស្សមួយចំនួនមានយោបល់ថា រឿងនេះត្រូវបានបញ្ចប់ហើយ។

សម្ដេចតេជោសូមបញ្ជាក់ថារឿងក្តីលោកស្រី សំ សុខាមិនត្រូវបានបញ្ចប់តាមផ្លូវ តុលាការទេ។ អ្នកដែលបានប្តឹងលោកស្រីសំ សុខានៅតុលាការនៅតែអាចបន្តហើយ តុលាការនៅតែបន្តកាត់ក្តីរវាងដើមបណ្តឹងជាមួយចុងចោទសំ សុខាតាមនីតិវិធីនិងតាមច្បាប់បន្តទៀតព្រោះការ សូមទោសរបស់លោកស្រីសំ សុខា មិនអាចរំលត់បណ្តឹងនៅតុលាការបានទេ។ ជាមួយគ្នានេះ សម្ដេចតេជោក៏សូមអំពាវនាវចំពោះស្ថាប័នតុលាការពន្លឿនចាត់ការលើសំណុំរឿងនេះឲ្យបានឆាប់និងស្របតាមច្បាប់៕