ថ្លែងក្នុងពិធីបើកសន្និបាតបូកសរុបលទ្ធផលការងារឆ្នាំ២០២៥និងលើកទិសដៅ ការងារឆ្នាំ២០២៦ របស់ក្រសួងព័ត៌មាន ក្រោមមូលបទ៖" ការពង្រឹងប្រសិទ្ធភាព និងាមត្ថភាពស្ថាប័ន ក្រោមរចនាសម្ព័ន្ធ មុខងារ និងភារកិច្ចថ្មី" នាព្រឹកថ្ងៃទី១៩ ខែមករា ឆ្នាំ២០២៦ នៅទីស្តីការក្រសួងព័ត៌មាន លោក នេត្រា ភក្ត្រា រដ្ឋមន្ត្រីក្រសួងព័ត៌មានមានប្រសាសន៍ថា នៅឆ្នាំ២០២៥ គឺជាសង្គ្រាមឈ្លានពានរវាងប្រទេសមានភាពខ្លាំងក្លាជាងឆ្នាំ២០០៨ និង២០១៣ ហើយគឺជាសង្គ្រាមឈ្លានពានរវាងប្រទេសមួយមកលើប្រទេសមួយ ហើយជាសង្គ្រាមមិនមែនជាសង្គ្រាមផ្ទៃក្នុងនោះទេ ដែលប្រឈមមុខព្រួញ ឬសមរភូមិចំនួន៣ ។ លោកបានលើកឡើងថា សង្គ្រាមនេះបានធ្វើឱ្យកម្ពុជាយើងប្រឈមមុខព្រួញ ឬសមរភូមិចំនួន៣ គឺទី១. សមរភូមិភាគីថៃទាំងយោធា ការទូត សតិអារម្មណ៍ និងទាំងច្បាប់។ ទី២. សមរភូមិគាំទ្រដោយភាគីថៃ គឺក្រុមប្រឆាំង និងក្រុមដែលមិនមាននិន្នាការ ឬការគាំទ្ររដ្ឋាភិបាល និងទី៣. សមរភូមិចេញពីផ្ទៃក្នុងកម្ពុជា ដែលពេលខ្លះ បងប្អូនមិនបានយល់ច្បាស់ ខណៈពួកគាត់ទទួលបានព័ត៌មានមិនគ្រប់គ្រាន់ ឬទទួលបានព័ត៌មានមិនត្រឹមត្រូវធ្វើឱ្យគាត់គិតមិនស៊ីនឹងអ្វីដែលជាការពិត។

ជាមួយគ្នានេះដែរលោកបានលើកឡើងទៀតថា តួនាទីរបស់ក្រសួងព័ត៌មានបានដើរតួនាទីសំខាន់ ហើយប្រព័ន្ធផ្សព្វផ្សាយរដ្ឋ និងប្រព័ន្ធផ្សាយឯកជនទាំងអស់ ទាំងជាតិ និងអន្តរជាតិ បានចូលរួមយ៉ាងសកម្មនៅក្នុងការផ្តល់ព័ត៌មានទៅឱ្យប្រជាពលរដ្ឋ ។ ក្នុងរយៈពេលមុនសង្គ្រាមផ្ទុះ ឡើងយើងបានបើកយុទ្ធនាការប្រឆាំងព័ត៌មានក្លែងក្លាយ ដែលនិយាយថា «ទេចំពោះព័ត៌មានក្លែងក្លាយ» ហើយរយៈពេល២ ឆ្នាំមកនេះ និងក្នុងអាណត្តិទី៧នេះក្រសួងបានធ្វើកំណែទម្រង់ ពង្រឹងសមត្ថភាព ប្រសិទ្ធភាព ការចុះផែនការសកម្មភាព និងកែប្រែ នូវរបៀបរបបនូវការធ្វើកិច្ចការងារ និងគិតគូនូវផែនការមួយចំនួនបានធ្វើឱ្យមានការរឹងដៃបន្តិចពាក់ព័ន្ធវិស័យព័ត៌មាន»។

លោកបានឱ្យដឹងទៀតថា ក្រសួងព័ត៌មានបានធ្វើការតម្រង់ទិសជាច្រើន ពិសេសនោះតម្រង់ទិសប្រជាពលរដ្ឋយើង សុំកុំជឿរលើប្រភពព័ត៌មានដែល មិនមែនផ្លូវការ និងសុំកុំទទួលព័ត៌មាន ឬតាមដានព័ត៌មានដែលគ្មានប្រភពច្បាស់លាស់ ហើយសូមយកប្រភពតែផ្លូវការ តាមរយៈក្រសួងការបរទេស ក្រសួងការពារជាតិ តាមរយៈរាជរដ្ឋាភិបាល ថ្នាក់ដឹកនាំ ក្រសួងស្ថាប័ន រដ្ឋសភា ព្រឹទ្ធសភា ឬក្រសួងព័ត៌មាន៕