តាមការបញ្ជាក់ពីសមត្ថកិច្ចបានអោយដឹងថា មុនឈានដល់ការចុះបង្រ្កាប កម្លាំងជំនាញ បានធ្វើការស្រាវជ្រាវ ចំណុចអគារខាងលើ នឹង សង្ស័យថាមាន ការលួចលាក់ប្រព្រឹត្តបើកល្បែងសុីសងអនឡាញ ដែលជាអំពើល្មើសច្បាប់ ។

ជាក់ស្តែងពេលសមត្ថកិច្ចបានចុះមកដល់ទីតាំងខាងលើ ត្រួតពិនិត្យរកឃើញមានមនុស្ស កំពុងបម្រើការងារនៅចំណុចជាន់ទី ៣៤ ចំនួន ៨០នាក់ មានស្រ្តី ១៥នាក់ មាន ០៧សញ្ជាតិ ។

ជនសង្ស័យទាំង ៨០នាក់ ទាំងនោះ មានជនជាតិចិន ៥៧នាក់(ស្រ្តី ០៤នាក់) , នេប៉ាល់ ០២នាក់, ម៉ាឡេស៊ី ចំនួ ០២នាក់ (ស្រ្តី ០២នាក់) , វៀតណាម ០២នាក់(ស្រ្តី ០១នាក់ ), មីយ៉ាន់ម៉ា ០៩នាក់(ស្រ្តី ០៩ )  និងស្រ្តីជនជាតិខ្មែរ០៥នាក់ នឹងដកហូតវត្ថុតាងរួមមាន ម៉ូនីទ័រ ២០៤គ្រឿង, ធុងCPU ១២៨គ្រឿង, និងកុំព្យូទ័រយួរដៃ ០៣គ្រឿង។

បច្ចុប្បន្ន សមត្ថកិច្ចបានធ្វើការនាំខ្លួនជនសង្ស័យទាំង ៨០នាក់ ទៅកាន់ស្នងការដ្ឋាននគរបាលរាជធានីភ្នំពេញ ដើម្បីបន្តនីតិវិធី ៕