លោក ជិន ប៊ុនធឿន ៖ រដ្ឋាភិបាលកម្ពុជាបាននិងកំពុងព្យាយាមសម្រួលច្បាប់វិនិយោគ និងផ្តល់លក្ខខណ្ឌអំណោយផលជាច្រើនដល់អ្នកវិនិយោគបរទេស
ថ្ងៃទី ៖ 27-07-2024, ដោយ admin , 67 Views
ភ្នំពេញ : លោក ជិន ប៊ុនធឿន អភិបាលខណ្ឌឫស្សីកែវ បានលើកឡើងថា ដើម្បីជំរុញ និងគាំទ្រដល់ការវិនិយោគរបស់វិស័យឯកជន និង លើកទឹកចិត្តចំពោះការបណ្ដាក់ទុនវិនិយោគ និងការធ្វើអាជីវកម្ម នៅកម្ពុជាពីធុរជន អន្តរជាតិ កាន់តែច្រើននៅក្នុងទីផ្សារកម្ពុជានោះ រាជរដ្ឋាភិបាលកម្ពុជាបាននិងកំពុងបន្តព្យាយាមសម្រួលនូវច្បាប់វិនិយោគ និងផ្តល់នូវ លក្ខខណ្ឌអំណោយផលជាច្រើនដល់អ្នកវិនិយោគបរទេស។
ការថ្លែងដូច្នោះ គ្រាដែលលោកអភិបាលខណ្ឌ នាព្រឹកថ្ងៃសៅរ៍ ៧ រោច ខែអាសាឍ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២៧ ខែកក្កដា ឆ្នាំ២០២៤ បានស្វាគមន៍អ្នកវិនិយោគជាតិ អន្តរជាតិ និងជួយគាំទ្រជ្រោមជ្រែងទាក់ទាញអ្នកវិនិយោគ និងថែរក្សាអ្នកវិនិយោគ ដើម្បីបង្កើតការងារកាន់តែច្រើនជូនប្រជាពលរដ្ឋ ៕
|