ការបោះឆ្នោតជ្រើសរើសក្បាលម៉ាស៊ីនព្រឹទ្ធសភានេះ ធ្វើឡើងបន្ទាប់ពីបើកសម័យប្រជុំលើកដំបូង សម្រាប់នីតិកាលទី៥ ក្រោមព្រះរាជាធិបតីភាពដ៏ខ្ពង់ខ្ពស់បំផុតរបស់ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា នៅព្រឹកថ្ងៃទី៣ ខែមេសា ឆ្នាំ២០២៤នេះ នៅព្រឹទ្ធសភា ។
សម្តេចអគ្គមហាសេនាបតីតេជោ ហ៊ុនសែន បានប្តេជ្ញាចិត្តខិតខំបំពេញការងារក្នុងនាមជាប្រធានព្រឹទ្ធសភានីតិកាលទី៥នេះ ឱ្យបានល្អជោគជ័យ និងនាំមកនូវផលប្រយោជន៍ជូនប្រជាពលរដ្ឋ និងជាតិមានតុភូមិ។
ព្រឹទ្ធសភានីតិកាលទី៥ ត្រូវបានរៀបចំបោះឆ្នោតកាលពីថ្ងៃទី២៥ ខែកុម្ភៈ ឆ្នាំ២០២៤ ដោយមានគណបក្សនយោបាយចំនួន៤ចូលរួមប្រកួតប្រជែងរួមមាន៖ គណបក្សប្រជាជនកម្ពុជា, គណបក្សឆន្ទៈខ្មែរ, គណបក្សកម្លាំងជាតិ និងគណបក្សហ៊្វុនស៊ិនប៉ិច។
ជាលទ្ធផលគណបក្សប្រជាជនកម្ពុជា ទទួលបាន ៥៥អាសនៈ ហើយគណបក្សឆន្ទៈខ្មែរ ទទួលបាន ៣អាសនៈ ។ សូមបញ្ជាក់ថា សមាជិកព្រឹទ្ធសភានីតិកាលទី៥នេះ មានចំនួន៦២រូប ។
ដោយ៥៨រូបកើតចេញពីការបោះឆ្នោតអសកល ខណៈដែលពីរូបចាត់តាំងដោយព្រះមហាក្សត្រ និងពីររូបទៀតជ្រើសតាំងដោយរដ្ឋសភាក្នុងសំឡេងភាគច្រើន។
សម្រាប់សម្រាប់នីតិកាលទី៥នេះ សមាជិកព្រឹទ្ធសភាពីរអង្គ ដែលចាត់តាំងដោយព្រះមហាក្សត្ររួមមាន៖ សម្តេចរាជបុត្រីព្រះអនុជ នរោត្តម អរុណរស្មី និងព្រះអង្គម្ចាស់ ស៊ីសុវត្ថិធម្មិកោ ហើយសមាជិកព្រឹទ្ធសភាពីររូបជ្រើសតាំងដោយរដ្ឋសភារួមមាន៖ លោក សុខ ឥសាន និងលោក ហេង ហាលីម៕