|
លោក នួន ផារ័ត្ន «ខ្ញុំចង់ឱ្យទាហានថៃរាយមីនថ្មី នៅតាមបន្ទាត់ព្រំដែនរបស់ខ្លួន»
ថ្ងៃទី ៖ 12-11-2025, ដោយ admin , 39 Views
តាមរយៈសំណេរនៅលើបណ្ដាញសង្គម ព្រឹកថ្ងៃពុធ ទី១២ ខែវិចិ្ឆកា លោក នួន ផារ័ត្ន អភិបាលខេត្តកំពង់ធំ បានលើកឡើងថា ក្បាច់ដែលទាហានថៃជាន់មីនដាច់ជើងនេះ ជាក្បាច់ដែលបានប្រើប្រាស់ច្រើនដងហើយ។ តើត្រូវប្រើប្រាស់ប៉ុន្មានដងទៀតទៅ ទើបអស់ចិត្ត? វាខុសពីអ្វីដែលជាកិច្ចព្រមព្រៀងសន្តិភាពរវាងប្រទេសទាំងពីរ! ។
លោក នួន ផារ័ត្ន «ខ្ញុំចង់ឱ្យទាហានថៃរាយមីនថ្មី នៅតាមបន្ទាត់ព្រំដែនរបស់ខ្លួន នៅក្នុងទឹកដីរបស់ខ្លួន នៅតាមទីតាំងដែលខ្លួនឈរជើង ដោយចាត់ទុកថាមិនរំលោភលើអនុសញ្ញាទីក្រុង Ottawa នោះទេ ដើម្បីការពារទឹកដីខ្លួន ។ ហើយយើងចាំមើលថាតើ មានទាហានកម្ពុជាណា ដែលទៅជាន់មីនដាច់ជើងដូចទាហានថៃដែរឬទេ»?
លោក នួន ផារ័ត្ន បានដាក់ជាចំណោទថា ហេតុអ្វី? ពីព្រោះចាប់តាំងពីមានបទឈប់បាញ់ កម្ពុជាមិនបានចល័តទ័ពផ្តេសផ្តាស រក្សាបាននូវវិន័យ និងទីតាំងឈរជើងរបស់ខ្លួន ផ្ទុយមកវិញ ទាហានថៃទេតើ ដែលតែងតែរុលចូល ដើរចុះដើរឡើងខុសពីតម្រាយផ្លូវចាស់ ជាន់មីនចាស់បណ្តាលឱ្យដាច់ជើងដោយខ្លួនឯង រួចទម្លាក់បន្ទុកនេះមកលើកម្ពុជា ៕
|