|
កម្ពុជាច្រានចោលទាំងស្រុង ចំពោះការផ្សព្វផ្សាយរបស់សារព័ត៌មានថៃមួយចំនួន ដោយបានផ្សាយគ្មានមូលដ្ឋាន បង្កើតសាច់រឿងក្នុងចេតនាមូលបង្កាច់លើកម្ពុជា
ថ្ងៃទី ៖ 06-08-2025, ដោយ Dara007 , 125 Views
ភ្នំពេញៈ លោកស្រី ម៉ាលី សុជាតា អ្នកនាំពាក្យក្រសួងការពារជាតិកម្ពុជា ថ្លែងថា កម្ពុជាច្រានចោលទាំងស្រុង ចំពោះការផ្សព្វផ្សាយរបស់សារព័ត៌មានថៃមួយចំនួន ដោយបានផ្សាយគ្មានមូលដ្ឋាន បង្កើតសាច់រឿងក្នុងចេតនាមូលបង្កាច់លើកម្ពុជា ចោទប្រកាន់បុគ្គលម្នាក់ថាជាទាហានរបស់កម្ពុជា ហើយបម្រើការងារនៅបញ្ជាការដ្ឋានអង្គរក្ស ដោយនៅព្រឹកថ្ងៃទី៦ ខែសីហា ឆ្នាំ២០២៥នេះ ថៃ បានផ្សាយព័ត៌មានមិនពិត ដោយប្រឌិតលើកឡើងថា ប៉ូលីសខេត្តបុរីរ៉ាំ បានចាប់ខ្លួនទាហានខ្មែរម្នាក់ មកពីបញ្ជាការដ្ឋានអង្គរក្ស (BHQ) និងត្រូវបានសង្ស័យថាលាក់ខ្លួននៅទីនោះ ដើម្បីបញ្ជូនព័ត៌មានចលនាយោធាថៃមកកម្ពុជា។
ក្រសួងការពារជាតិ និងកងយោធពលខេមរភូមិន្ទ មិនអនុញ្ញាតឱ្យយោធិនគ្រប់រូបដែលមានស្នាមសាក់លើដងខ្លួន ដូចដែលភាគីថៃបានបង្ហាញរូបនោះ ចូលបម្រើការងារក្នុងក្របខណ្ឌណាមួយរបស់កងកម្លាំងរបស់កម្ពុជាជាដាច់ខាត៕
|