បើតាមសមត្ថកិច្ច ប្រតិបត្តិការបង្ក្រាបលើកទី០១ ៖ នៅថ្ងៃទី១៤ ខែមករា ឆ្នាំ២០២៥ នាវេលាម៉ោង០៩:២០នាទីព្រឹក ស្ថិតនៅ ភូមិកណ្តោលដុំ សង្កាត់ កណ្តោលដុំ ក្រុងច្បារមន ខេត្តកំពង់ស្ពឺ។ បានធ្វើការបង្ក្រាប និងឃាត់ខ្លួនជនសង្ស័យចំនួន០១នាក់ ឈ្មោះ ទិត្យ សីហា ភេទប្រុស អាយុ១៨ឆ្នាំ មុខរបរមិនពិតប្រាកដ។

សមត្ថកិច្ចបន្តថា ប្រតិបត្តិការបង្ក្រាបលើកទី០១ ៖ នៅថ្ងៃទី១៤ ខែមករា ឆ្នាំ ២០២៥ នាវេលាម៉ោង១០:១៥នាទីព្រឹក ស្ថិតនៅ ភូមិព្រៃប្រដាក់ ឃុំធម្មតាអរ ស្រុកសំ រោងទង ខេត្តកំពង់ស្ពឺ។ បានធ្វើការបង្ក្រាប និងឃាត់ខ្លួនជនសង្ស័យចំនួន០១នាក់ ឈ្មោះ ឃឹម វុត្ថា ភេទប្រុស អាយុ៣៥ឆ្នាំ មុខរបរមិនពិតប្រាកដ។

ក្រៅពីចាប់ជនសង្ស័យ សមត្ថកិច្ចក៍ចាប់យកវត្ថុតាងបានមួយចំនួនផងដែរ រួមមាន ៖ ក្រាមពណ៌សថ្លាសង្ស័យសារធាតុញៀនចំនួន ១៥កញ្ចប់ , កាំភ្លើងកែឆ្នៃបាញ់គ្រាប់កង់ ០១ដើម, ម៉ូតូ ចំនួន១គ្រឿង,ដែកឆាបចំនួន ០១ដេីម,ទូរស័ព្ទចំនួន០២គ្រឿង,ថង់សំរាប់ច្រក និងឧបករណ៍ប្រើប្រាស់គ្រឿងញៀនមួយចំនួនទៀត។ បច្ចុប្បន្នជនសង្ស័យ រួមនិងវត្ថុតាងត្រូវបានកម្លាំងជំនាញបញ្ជូនមក បញ្ជាការដ្ឋានកងរាជអាវុធហត្ថខេត្តកំពង់ស្ពឺដើម្បីបន្តនីតិវិធី៕