នាវាទេសចរណ៍អន្តរជាតិ ឈ្មោះ វីឃីង អូរីអន នេះ មានប្រវែងបណ្តោយ២២៨,៣០ ម៉ែត្រ , ប្រវែងទទឹង ២៨,៨០ ម៉ែត្រ , ជម្រៅទឹក -៦,៨០ ម៉ែត្រ បានចូលចតនៅ កសស ដោយសុវត្ថិភាព ក្នុងគោលបំណងមកទស្សនាប្រទេសកម្ពុជា រយៈពេល១ថ្ងៃ បន្ទាប់ពីចេញដំណើរមកពីប្រទេសវៀតណាម។ នាវាទេសចរណ៍នេះ មាននាវិកសរុបចំនួន ៤៦៥ នាក់ (ស្រី ១១១ នាក់) មាន ៣៤ សញ្ជាតិ និងមានភ្ញៀវទេសចរសរុបចំនួន ៨៨៨ នាក់ (ស្រី ៤៧០ នាក់) មាន១៤សញ្ជាតិ។

សញ្ជាតិ ដែលមានចំនួនភ្ញៀវទេសចរណ៍ច្រើនជាងគេ គឺសហរដ្ឋអាមេរិក ចំនួន៧៣៦ នាក់ (ស្រី ៣៩៣ នាក់) ។ នាវាទេសចរណ៍អន្តរជាតិនេះ នឹងចាកចេញទៅប្រទេសថៃ នាវេលាម៉ោង២រសៀល នៅថ្ងៃទី១១ ខែវិច្ឆិកា ឆ្នាំ២០២៦៕