លោក ផែង វណ្ណៈ បានផ្សាយ ករណី គ្រោះថ្នាក់ចរាចរណ៍បណ្ដាលឱ្យស្ត្រីម្នាក់ស្លាប់នៅក្រុងបាត់ដំបង ខេត្តបាត់ដំបង តាំងពីខែកុម្ភៈ ឆ្នាំ ២០២៦ រហូតមកដល់ថ្ងៃនេះមានរយៈពេលជិត ៣ខែហេីយ ខ្ញុំផ្សាយជាបន្តបន្ទាប់ ។ ប៉ុន្តែ មន្ត្រីនគរបាលចរាចរណ៍ខេត្តបាត់ដំបងចេញសេចក្ដីបំភ្លឺ ភូតភរប្រជាពលរដ្ឋ ភូតភរថ្នាក់ដឹកនាំ ដោយក្លែងឯកសារ ក្លែងជនបង្ករ រួចបញ្ជូនសំណុំរឿងទៅអយ្យការអមសាលាដំបូងខេត្តបាត់ដំបង ដើម្បីយករួចខ្លួន ។
ជនបង្ករពិតប្រាកដឈ្មោះ សយ បូរ៉ា ថៅកែផ្សារទំនើបហេងឆៃលីក្រុងបាត់ដំបង តែមន្ត្រីនគរបាលចរាចរណ៍ខេត្តបាត់ដំបងក្លែងរបាយការណ៍ដាក់ឈ្មោះ សេី សាន់ណាវី ជាជនបង្ករទៅវិញ ។ បច្ចុប្បន្នឈ្មោះ សេី សាន់ណាវី បានសារភាពហេីយ ថា គាត់មិនបានបេីករថយន្តបុកស្ត្រីរងគ្រោះនៅក្រុងបាត់ដំបងបណ្ដាលអោយស្លាប់ទេ អ្នកបេីកបររថយន្ដបុកស្ត្រីរងគ្រោះបណ្ដាលអោយស្លាប់គឺឈ្មោះ សយ បូរ៉ា ថៅកែផ្សារទំនើបហេងឆៃលីក្រុងបាត់ដំបង ។
តុលាការខេត្តបាត់ដំបង បានចេញដីកាអោយតាមចាប់ឈ្មោះ សយ បូរ៉ា មកទទួលខុសត្រូវចំពោះមុខច្បាប់ តែជនថោកទាបឈ្មោះ សយ បូរ៉ា បានរត់គេចខ្លួនទៅប្រទេស សឹង្ហបុរីតាំងពីល្ងាចថ្ងៃទី ៨ ខែ ឧសភា ឆ្នាំ ២០២៦ ។ ក្រុមគ្រួសារជនរងគ្រោះមិនចង់វែងឆ្ងាយទេ តែសុំអោយឈ្មោះ សយ បូរ៉ា ដែលជាជនបង្ករពិតប្រាកដចេញមុខមកដោះស្រាយដោយផ្ទាល់ មិនអាចអោយអ្នកដទៃដែលមិនមែនជាជនបង្ករមកចរចាររកដំណោះស្រាយទេ ។
ក្រុមគ្រួសារជនរងគ្រោះប្រយ័ត្នប្រយែងផ្លូវច្បាប់ ព្រោះបេីក្រុមគ្រួសារជនរងគ្រោះចរចារជាមួយអ្នកដទៃ ទទួលសំណងពីអ្នកដទៃថ្ងៃក្រោយ សយ បូរ៉ា នឹង ប្ដឹងគ្រួសារជនរងគ្រោះ និងប្ដឹងអ្នកសារព័ត៌មានថែមទៀត ដោយគេគិតថា អ្នកដទៃដោះស្រាយ ជនរងគ្រោះក៏ទទួលដំណោះស្រាយ ដូច្នេះ សយ បូរ៉ា មិនពាក់ព័ន្ធទេ ។ ល្បិចកលទុច្ចរិតបែបនេះគេដឹងច្បាស់ ព្រោះនៅខេត្តបាត់ដំបង ឈ្មោះ សយ បូរ៉ា មានទំនាក់ទំនងជិតស្និទ្ធជាមួយអភិបាលខេត្ត ស្នងការខេត្ត និង ថ្នាក់ដឹកនាំក្រសួងមហាផ្ទៃ ។
ហេតុនេះហើយបានលោក ផែង វណ្ណៈ ផ្សាយជិត ៣ខែ ថ្នាក់ដឹកនាំក្រសួងមហាផ្ទៃ រួមទាំងអភិបាលខេត្ត ស្នងការខេត្តបាត់ដំបង គ្មាន ប្រតិកម្ម គ្មានការស៊ើបអង្កេតស្រាវជ្រាវសំណុំរឿងក្លែងរបាយការណ៍ភូតកុហកបិទបាំងការពិតករណីគ្រោះថ្នាក់ចរាចរណ៍បណ្ដាលឱ្យស្ត្រីម្នាក់ស្លាប់នៅក្រុងបាត់ដំបង កាលពីថ្ងៃទី ១៦ ខែ កុម្ភៈ ឆ្នាំ ២០២៦ ។
លោក ផែង វណ្ណៈដឹងថា មេចរាចរណ៍ខេត្តបាត់ដំបង រួមទាំងជនថោកទាបឈ្មោះ សយ បូរ៉ា កំពុងរត់ការស្វះស្វែងរកអន្តរាគមន៍ពីអ្នកមានអំណាចដេីម្បីកុំអោយខ្ញុំផ្សាយប៉ះពាល់ដល់ទង្វើថោកទាបរបស់ពួកគេ ។
លោកបានសន្យាខ្លួនឯងរួចហេីយ បេីជនថោកទាបសយ បូរ៉ា មិនដោះស្រាយសងសំណងដល់ជមរងគ្រោះ ហេីយថ្នាក់ដឹកនាំក្រសួងមហាផ្ទៃ មិនស្រាវជ្រាវស៊េីបអង្កេតករណីមន្ត្រីនគរបាលចរាចរណ៍ខេត្តបាត់ដំបង ក្លែងរបាយការណ៍ភូតកុហកបិទបាំងការពិតករណីគ្រោះថ្នាក់ បណ្ដាលអោយជនរងគ្រោះស្លាប់ ខ្ញុំនឹងបន្តផ្សព្វផ្សាយរហូត ក្រុមគ្រួសារជនរងគ្រោះទទួលបានយុត្តិធម៌ ។
ជាមួយគ្នានេះ លោក ផែង វណ្ណៈ សំណូមពរ អ្នកធំ អ្នកមានអំណាចមួយចំនួន ដែលចង់ជួយជនថោកទាបឈ្មោះ សយ បូរ៉ា និង ជួយមេចរាចរណ៍ខេត្តបាត់ដំបង មេត្តាដកខ្លួនថយ ទុកអោយច្បាប់ចាត់វិធានការកុំលេីកលែង ៕