|
កម្ពុជា ស្នើសុំឱ្យអូស្ត្រាលី គាំទ្របន្ថែមដល់ការងារបោសសម្អាតមីន
ថ្ងៃទី ៖ 11-10-2024, ដោយ Dara007 , 54 Views
បុរីញូវយ៉កៈ កម្ពុជា ស្នេីសុំឱ្យអូស្ត្រាលី គាំទ្របន្ថែមដល់ការងារបោសសម្អាតមីន តាមរយៈគម្រោងបោសសម្អាតមីនដេីម្បីលទ្ធផល។
ថ្ងៃទី១០ ខែតុលា ឆ្នាំ២០២៤លោក ទេសរដ្ឋមន្រ្តី លី ធុជ អនុប្រធានទី១ អាជ្ញាធរមីន ជួបសម្តែងការគួរសមជាមួយលោកជំទាវ Amanda Gorely ឯកអគ្គរដ្ឋទូតអូស្ត្រាលីប្រចាំអង្គការសហប្រជាជាតិ បុរីញូវយ៉ក សហរដ្ឋអាមេរិក។ ក្នុងជំនួបនោះ ឯកឧត្ដមទេសរដ្ឋមន្រ្តី បានថ្លែងអំណរគុណដល់ប្រទេសអូស្ត្រាលីសម្រាប់ការគាំទ្រដល់ភាពជាប្រធានរបស់កម្ពុជា និងជាម្ចាស់ផ្ទះរៀបចំកិច្ចប្រជុំត្រួតពិនិត្យឡេីងវិញលេីកទី៥ ឬកិច្ចប្រជុំកំពូលសៀមរាប-អង្គរ នៃអនុសញ្ញាអូតាវ៉ា។
តាងនាមសម្តេចធិបតី នាយករដ្ឋមន្ត្រី ឯកឧត្ដមទេសរដ្ឋមន្រ្តី បានស្នេីសុំឱ្យរដ្ឋាភិបាលនៃប្រទេសអូស្ត្រាលី បន្តគាំទ្រដល់ការអភិវឌ្ឍ និងការកាត់បន្ថយភាពក្រីក្រនៅកម្ពុជា រួមទាំងគាំទ្របន្ថែមដល់ការងារបោសសម្អាតមីន តាមរយៈគម្រោងបោសសម្អាតមីនដេីម្បីលទ្ធផល។
ជាមួយគ្នានោះ ឯកឧត្ដមប្រធានអនុសញ្ញាអូតាវ៉ា ក៏បានស្នេីសុំដល់ប្រទេសអូស្រា្តលី ជួយជំរុញលេីកទឹកចិត្តដល់ប្រទេសដីកោះតំបន់ប៉ាស៊ីហ្វិក ឱ្យគាំទ្រ និងចូលរួមជាមួយអនុសញ្ញាអូតាវ៉ា៕
|