ដោយទទួលបានព័ត៌មាន ពីស្ថានភាពខ្វះខាត និងកំពុងជួបការលំបាកខ្លាំងជាចាំបាច់ ប្រជាពលរដ្ឋចំនួន០៣គ្រួសារ កាលពីថ្ងៃទី២៩ ខែតុលា ឆ្នាំ២០២៥ លោកឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ បានដឹកនាំក្រុមការងារកងរាជអាវុធហត្ថខេត្ត ដោយមានចួលរួមពីក្រុមការងារ ស.ស.យ.ក ខេត្តកំពង់ស្ពឺ បាននាំយកអំណោយជាថវិកា និងគ្រឿងឧបភោគ-បរិភោគ ចែកជូនដល់គ្រួសារខ្វះខាតចំនួន ៣គ្រួសារ ដែលមានឈ្មោះដូចខាងក្រោម ៖ ១/ឈ្មោះ សរ សម្បត្តិ ភេទប្រុស អាយុ៦២ឆ្នាំ រស់នៅភូមិទី៣ ឃុំយាយម៉ៅពេជ្រនិល ស្រុកភ្នំស្រួច ខេត្តកំពង់ស្ពឺ, ២/ឈ្មោះ សាត គឹមហុង ភេទស្រី អាយុ៨២ឆ្នាំ រស់នៅភូមិទី៣ ឃុំយាយម៉ៅពេជ្រនិល ស្រុកភ្នំស្រួច ខេត្តកំពង់ស្ពឺ, ៣/ឈ្មោះ ទិត្យ រុន ភេទប្រុស អាយុ៦៨ឆ្នាំ រស់នៅភូមិទី៥ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ។
ក្រៅពីការអាណិតអាសូរ លោកឧត្តមសេនីយ៍ត្រី មេបញ្ជាការ ក៏បាននាំយកនូវអំណោយជាថវិកា និងគ្រឿងឧបភោគ-បរិភោគ មួយចំនួនជូនដល់ប្រជាពលរដ្ឋចំនួន០៣គ្រួសារខាងលើ ដើម្បីជួយសម្រួលដល់តម្រូវការចាំបាច់សម្រាប់កាប្រើប្រាស់ក្នុងជីវភាពប្រចាំថ្ងៃ ក្នុងនោះមានដូចជា៖ ថវិកា ១៥០,០០០រៀល,អង្ក ៣បាវ, មីជាតិ ៤កេស, ទឹកសុទ្ធ ៣កេស, ភេសជ្ជះ ២កេស, ទឹកស៉ីអ៉ីវ ៣យួរ, ទឹកត្រី ៣យួរ, ត្រីខ ៣យួរ ។
ក្រៅពីពីណេះសំណាល និងប្រគល់ជូននូវសម្ភារៈរួច លោកឧត្តមសេនីយ៍ត្រី ម៉េង ស្រ៊ុន មេបញ្ជាការ ក៏បានផ្តាំងផ្ញើរដល់ប្រជាពលរដ្ឋទាំង០៣គ្រួសារថា បើមានការគំរាមកំហែង ឬអសន្តិសុខ ដោយប្រការមួយសូមខលមកកាន់លេខ Hotline 1292 លោកឧត្តមសេនីយ៍ត្រី មេបញ្ជាការ បានបញ្ជាក់ទៀតថា Hotline 1292 នេះខលចូលគ្រប់ប្រពន្ធ័មិនអស់លុយនោះទេ អាចខលគ្រប់ពេល 24 លើ 24៕