កងរាជឣាវុធហត្ថខេត្តបញ្ជូនក្មេងទំនើង២នាក់ទៅសាលាដំបូងខេត្តឣនុវត្តតាមនីតិវិធី ពាក់ព័ន្ធ ករណី លួ ច និង ហិ ង្សា
បន្ទាយមានជ័យ : កម្លាំងមូលដ្ឋានកងរាជអាវុធហត្ថក្រុងប៉ោយប៉ែត នៅវេលាម៉ោង១៣និង៣០នាទី ថ្ងៃទី១០ ខែកក្កដា ឆ្នាំ២០២៥ បានចុះល្បាតការពារសន្តិសុខ រក្សាសុវត្ថិភាព ជូនប្រជាពលរដ្ឋក្នុងភូមិសាស្រ្តក្រុងប៉ោយប៉ែត រហូតដល់ចំណុចមុខកាស៊ីណូ ហ្គែនទីន ស្ថិតក្នុងភូមិក្បាលស្ពាន១ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ បានឃេីញជនរងគ្រោះ២នាក់ ១-ឈ្មោះ រ៉ាម៉ាវ៉ាទីស៊ូយ៉ា ហាតូនូ(ជីយ៉ា) ភេទស្រី អាយុ២៨ឆ្នាំ ជនជាតិឥណ្ឌូនេស៊ី បច្ចុប្បន្នស្នាក់នៅភូមិក្បាលស្ពាន២ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ និងឈ្មោះ ហេង ស្រីណែត ភេទស្រី អាយុ២៥ឆ្នាំ ជនជាតិខ្មែរ បច្ចុប្បន្នស្នាក់នៅភូមិផ្សារកណ្ដាល សង្កាត់ផ្សារកណ្ដាល ក្រុងប៉ោយប៉ែត ជិះដេញតាមពីក្រោយជនសង្ស័យ ចំនួន០២នាក់ ជិះម៉ូតូ០១គ្រឿង ធ្វេីសកម្មភាពឆក់កាបូបប្រាក់ពីជនរងគ្រោះ ឃើញដូច្នេះកម្លាំងបានជិះប្រដេញជនសង្ស័យធ្វើឱ្យជនសង្ស័យភ័យហើយដួលម៉ូតូ បណ្ដាលឱ្យរងរបួសជើងទាំងពីរនាក់ និងធ្លាក់កាបូបប្រាក់ដែលពួកគេឆក់ ក្នុងអំឡុងពេលជនរងគ្រោះកំពុងធ្វើដំណើរតាមផ្លូវ ហើយកម្លាំងធ្វើការឃាត់ខ្លួនតែម្ដង េះ្រមទាំងដកហូតវត្ថុតាងរួមមាន÷ ១.ប្រាក់ចំនួន៣០៩,០០០បាត, ២.កាបូបពណ៌ទឹកដោះគោ ចំនួន០១, ទូរសព្ទដៃ ម៉ាកIphone ចំនួន០២គ្រឿង។ ចំណែកវត្ថុតាងរបស់ជនរងគ្រោះត្រូវបានកម្លាំងមូលដ្ឋានកងរាជអាវុធហត្ថក្រុងប្រគល់ជូនវិញហើយ និងម៉ូតូម៉ាកហុងដាឌ្រីម ពណ៌ខ្មៅ ផលិតឆ្នាំ២០២៥ ចំនួន០១គ្រឿង (របស់ជនសង្ស័យជិ:ធ្វេីសកម្មភាព)។
ថ្ងៃទី ៖ 12-07-2025, ដោយ Admin | 34 Views